Posted: 05/05/2012 01:49 PM IST

తెలుగు, హిందీ, తమిళ హీరోయిన్ గా ఓ వెలుగు వెలిగిన శిల్పంలాంటి సుందరి శిల్పాశెట్టి త్వరలో తల్లికాబోతున్న విషయం తెలిసిందే. ఈమె నిన్న సాయంత్రం ముంబయి శివారులోని తన సొంత ఇంట్లో అంగరంగ వైభవంగా సీమంతం జరుపుకుంది. ఈ వేడకకు బాలీవుడ్ హీరోయిన్లు రవీనా టాండన్, నేహా ధూపియా, మలైకా అరోరా, సమీరారెడ్డి ఇంకా పలువురు ప్రముఖులు హాజరై శిల్పాశెట్టిని ఆశీర్వదించారు.

ఈ వేడుకకు వచ్చిన అధితులకు శిల్పాశెట్టి చెల్లెలు షమితా శెట్టి దగ్గరుండి అతిథి మర్యాలు చూసింది.'బాజీగర్' ... చిత్రం ద్వారా బాలీవుడ్ తెరకి పరిచయమైన శిల్పాశెట్టి, అతి తక్కువ కాలంలోనే అగ్ర కథానాయికల జాబితాలో చేరిపోయింది. 'సాహసవీరుడు - సాగరకన్య' చిత్రం ద్వారా తెలుగు తెరకి పరిచయమైన ఆమె, ఆ తరువాత 'వీడెవడండీ బాబూ' ... 'ఆజాద్' ... 'భలేవాడివి బాసూ' వంటి చిత్రాలతో అలరించింది.  40 కి పైగా సినిమాల్లో నటించిన శిల్పాశెట్టి, అవకాశాలు మందగించడంతో పెళ్లి బాట పట్టింది. 2009 లో ఆమె ప్రముఖ బిజినెస్ మేన్ రాజ్ కుంద్ర ను వివాహమాడింది. ప్రస్తుతం బిజినెస్ వ్యవహారాలతో పాటు, ఐపీఎల్ ఫ్రాంఛైజీలను నిర్వహిస్తోంది శిల్పాశెట్టి.