Posted: 05/02/2012 04:51 PM IST

       ప్రిన్స్ మహేష్ బాబు ప్రస్తుతం షూటింగ్స్ లో చాలా బిజీ గా గడుపుతున్నారు. సుకుమార్ కాంబినేషన్లో తెరకెక్కుతోన్న తాజా చిత్రం షూటింగ్ హైదరాబాద్ లోని అన్నపూర్ణ స్టూడియోలో జరుగుతోంది. ఈ సినిమాకి హైలైట్ గా నిలిచే ఓ సాంగుని ఇక్కడ చిత్రీకరిస్తున్నారు. మొన్న మహేష్ బాబు స్వల్ప అనారోగ్యానికి గురైనందువల్ల ఈ పాట చిత్రీకరణ కాస్త ఆలస్యమైనట్లు సమాచారం.
       మరో వైపున ఈ సినిమా షూటింగ్ లో రెగ్యులర్ గా పాల్గొంటోన్న మహేష్ బాబు, ఈ నెల 7 వ తేదీ నుంచి 'సీతమ్మ వాకిట్లో సిరిమల్లె చెట్టు' సినిమా షూటింగ్ లో జాయిన్ అవుతారు. ఇక ఆ రోజు నుంచి ఆయన ఈ రెండు సినిమాల షూటింగుల్లో పాల్గొనవలసి ఉంటుందని తెలుస్తోంది. ఇప్పటికే తీరక లేకుండా షూటింగ్ లో పాల్గొంటున్న మహేష్ రాబోయే రోజుల్లో మరింత బిజీ కాబోతున్నారన్నమాట.

...avnk