Posted: 03/10/2012 06:09 PM IST

ఏ పనిలోనైనా పోటీ అనేది సహజం. ప్రక్కవాడు ఏదైనా సాధిస్తే వాడిలాగా మనం సాధించాలనే పట్టుదలతో వాడితో పోటీపడతాం. పనిలోగానీ, జీవితంలో గానీ గెలవాలంటే పోటీ తత్వం ఖచ్ఛితంగా ఉండాలి. ఏ రగంలోనైనా ఇద్దరు వ్యక్తుల మధ్య పోటీ ఉంటుంది. అది సినిమా రంగంలోనైనా కావచ్చు ఇంకేదైనా రంగంలో కావచ్చు.

సినిమా ఇండస్ట్రీలో అందమైన భామల మధ్య పోటీ కాస్త తీవ్రంగానే ఉంటుంది. వచ్చిన అవకాశాన్ని వదులుకోవడానికి అసలు ఇష్టపడరు. తనదే పై చేయి కావాలని తాపత్రయ పడుతుంటారు. తాజాగా ఇలాంటి సంఘటనే ఒకటి చోటుచేసుకుంది. ఒకప్పుడు టాలీవుడ్ లో అగ్రహీరోయిన్ గా ఉన్న త్రిష వాణిజ్య ప్రకటనల్లో కూడా చేసింది. త్రిష పళ్ళకు సంబంధిన ప్రకటనలో నటించింది. ‘మీ టూత్ పేస్టులో ఉప్పుందా’ అంటూ ప్రముఖ కంపెనీ అయినా కోల్గెట్ యాడ్ లో నటించింది. మరి త్రిష కాల పరిమితి ముగిసిపోయిందో లేక ఆమె వల్ల బిజినెస్ కాలేదో కానీ ఆమె స్థానంలో పొడుగుకాళ్ళ సెక్పీ సుందరి ‘బొమ్మాళి’ అనుష్క ఎంపికైందని సమాచారం.

చాలా కాలం నుండి అసుష్కకి పెద్దగా అవకాశాలు లేకపోయినా తెలుగు – తమిళ భాషల్లో ఆమెకు చాలా మంది అభిమానులు ఉండటంతో ఆమెను కోల్గెట్ టూత్ పేస్టుకు బ్రాండ్ కి అంబాసిడర్ గా ఎన్నుకున్నట్లు తెలుస్తుంది. ఎలాగు అవకాశాలు అంతగా లేవు కాబట్టి అనుష్క కూడా వచ్చిన అవకాశాన్ని వదులుకోలేదట. అటు సినిమాల్లో , ఇటు యాడ్స్ లో కూడా తనకు పోటీగా వస్తూ నా అవకాశాల్ని కొల్లగొడుతున్నారని త్రిష కాస్త కోపంగా కూడా ఉందని సన్నిహితులు అంటున్నారు.