ప్రస్తుత సంవత్సరం 2020 నెటిజనుల విమర్శలు, వ్యంగోక్తుల తరహాలోనే నిజంగా ఈ ఏడాదికే వైరస్ సోకిందా.? అంటే కాదనక తప్పదు. కరోనా వైరస్ సోకిన ఈ ఏడాది వస్తూనే యావత్ ప్రపంచ వాణిజ్యాన్ని లాక్ డౌన్ చేసేసింది. ఇక మూడు నుంచి నాలుగు నెలలే మూసినా.. మళ్లీ వాణిజ్యం గాడిన పడటానికి నెలలు గడుస్తున్నాయి. ఇలా ఈ ఏడాది హరి హరి అంటూ వెళ్లిపోగా, నూతన ఏడాది కోవిడ్ కు టీకాను ప్రపంచ ప్రజలకు అందించేందుకు రంగం సిద్దం చేసుకోగా.. ఇక అంతలోనే వాణిజ్యాన్ని గాడిన పెట్టేందుకు వెట్ గ్రైండర్ మొదలుకుని ఓవెన్, వాషింగ్ మెషీన్, ఏసీ, ఫ్రిడ్జిల నుంచి కార్ల వరకు అన్నింటి ధరలను పెంచుతున్నట్లు రాకముందే భయపెడుతోంది.
ఎలక్ట్రానిక్ కన్జూమర్ గూడ్స్ మొదలుకుని అన్ని రకాల ఎలక్ట్రిక్ వస్తువులపై ధరల ప్రభావం వుంటుందని ఇప్పటికే ఆయా కంపెనీలు ప్రకటించాయి. అందుకు తాము వినియోగించే ముడిసరుకుల వస్తువుల ధరలు గణనీయంగా పెరగడటమే ఇందుకు కారణంగా పెర్కోన్నాయి. ఇక ధరాఘాత ప్రభావం ఒకింత రియల్ ఎస్టేట్ రంగంపై కూడా పడింది. మరీ ముఖ్యంగా ఉక్కు, కంకర, సిమెంట్ ధరలు కూడా పెరిగాయి. ఇదే సమయంలో అటు కార్ల కంపెనీలు కూడా ధరల మోత తప్పదని.. 2021 నుంచి కొత్త కార్లను కోనుగోలు చేసేవారిని అప్రమత్తం చేసింది. తమ కార్ల తయారీలో వినియోగించే ఉక్కుతో పాటు ప్లాస్టిక్, ఇతర నిర్మాణ వ్యయాలు పెరగడంతో ధరల పెంపు అనివార్యమైయిందని ప్రకటించాయి.
ఇప్పటికే మహీంద్రా, రెనో, హీరో మోటోకార్ప్, మారుతిసుజుకి, ఫోర్డ్ వంటి వాహన తయారీ సంస్థలు జనవరి 1 నుంచి తమ వాహన మోడళ్ల ధరలను పెంచుతున్నట్టు ప్రకటించాయి. ఇప్పుడు బీఎండబ్ల్యూ, టాటా మోటార్స్, ఇసుజు సంస్థలు కూడా వాణిజ్యపరమైన వాహనాల ధరలు పెంచాలని నిర్ణయించుకున్నాయి. ఉత్పత్తి వ్యయం అధికం కావడమే కాకుండా, బీఎస్-6 ప్రమాణాలకు అనుగుణంగా వాహనాలు తయారు చేయాల్సిరావడం ఆర్థికంగా ప్రయాసభరితమని టాటా మోటార్స్ వెల్లడించింది. జర్మనీ కార్ల తయారీ దిగ్గజం బీఎండబ్ల్యూ జనవరి 4 నుంచి ధరలు పెంచేందుకు సిద్ధమైంది. బీఎండబ్ల్యూతో పాటు అనుబంధ బ్రాండ్లపై 2 శాతం పెంపు ఉంటుందని తెలిపింది. పికప్ వాహనాలకు పెట్టింది పేరైన ఇసుజు సంస్థ మోడళ్లను బట్టి రూ.10 వేల మేర ధరల పెంచాలని నిర్ణయించింది. ఇసుజు ధరల పెంపు జనవరి 1 నుంచి అమల్లోకి రానుంది.
(And get your daily news straight to your inbox)
Sep 29 | విద్యుత్ కార్ల విషయంలో మొదటి నుంచీ దూకుడుగా ఉన్న టాటా మోటార్స్ భారత మార్కెట్లో మరో విద్యుత్ కారును లాంచ్ చేసింది. టియాగో ఈవీని రెండు వేర్వేరు బ్యాటరీ సైజులు కలిగిన వేరియంట్లలో తీసుకొచ్చింది.... Read more
Sep 16 | ప్రపంచంలోనే తొలి ఫ్లైయింగ్ బైక్ డెట్రాయిట్ ఆటో షోలో గురువారం సందడి చేసింది. జపనీస్ స్టార్టప్ ఏర్విన్స్ టెక్నాలజీస్ ఈ ఫ్లైయింగ్ బైక్ను రూపొందించింది. పాపులర్ స్టార్ వార్స్ బైక్స్ను తలపిస్తున్న ఈ బైక్ను... Read more
Sep 10 | పండుగల సీజన్లో కస్టమర్లు కొత్త కార్లు, బైక్లు, స్కూటర్లు కొనుగోలు చేయడానికి ఆసక్తి చూపుతారు. ఈ ఏడాది పండుగల సీజన్లో భారతీయుల కొనుగోలుదారుల మనస్సు దోచేందుకు అన్ని కార్ల తయారీ సంస్థలు సిద్ధం అవుతున్నాయి.... Read more
Sep 06 | రోడ్డు మీద బుల్లెట్ బండి వెళ్తుంటే ఆ డుగ్గు డుగ్గు మనే శబ్ధం అందరినీ ఆకర్షిస్తుంది. అదే బుల్లెట్ బండి ఎలాంటి శబ్దం చేయకుండా నిశబ్దంగా పరుగులు తీస్తే అప్పుడెలా ఉంటుంది? ఒకసారి ఊహించుకోండి.... Read more
Aug 24 | గురుగ్రామ్కు చెందిన EV స్టార్ట్-అప్ కోరిట్ ఎలక్ట్రిక్ తాజాగా రెండు కొత్త తక్కువ-స్పీడ్ ఎలక్ట్రిక్ ఫ్యాట్ టైర్ బైక్లను విడుదల చేసింది. హోవర్ 2.0 అలాగే హోవర్ 2.0 + పేర్లతో విడుదలైన ఈ... Read more