కార్బన్ నుంచి చౌకధరలో కే9 కవచ్ 4జీ స్మార్ట్ ఫోన్

Posted: 07/04/2017 06:24 PM IST

దేశీయ మొబైల్ తయారీ సంస్థ కార్బన్ మరో సరికొత్త ఉత్పాదనను ఇవాళ దేశీయ మార్కెట్లోకి ప్రవేశపెట్టింది. చౌకదరలో 4జీ స్మార్ట్ ఫోన్ ను సొంతం చేసుకోవాలనుకునే వారి అశలకు అనుగూణంగా ఈ స్మార్ట్ ఫోన్ ను తయారుచేసి ఇవాళ మార్కెట్ లోకి విడుదల చేసింది. తాజాగా కార్బన్ కే9 కవచ్ పేరుతో సరికొత్త 4జీ స్మార్ట్ ఫోన్ ను స్మార్ట్ ఫోన్ ప్రియుల కోసం అందుబాటులోకి తీసుకువచ్చింది.

ఫింగర్ ఫ్రింట్ సెన్సార్ తో వస్తున్న ఈ సరికొత్త 4జీ ఫోన్ ను కేవలం రూ. 5290లకే అందుబాటులోకి తీసుకువచ్చింది. ఇవాళ్టి నుంచి అన్ లైన్ ఈ కామెర్స్ దిగ్గజ సంస్థలతో పాటు దేశవ్యాప్తంగా పలు ప్రముఖ మొబైల్ దుకాణాలలోనూ ఈ ఫోన్ విక్రయాలకు రెడీగా వుంది. కాగా ఈ ఫోన్ లో ప్రధాన మంత్రి నరేంద్రమోడీ స్వహస్తాలతో ప్రారంభించిన భీమ్ చెల్లింపుల యాప్ ను కూడా కార్బన్ సంస్థ పొందుపర్చింది.

 కార్బన్ కె9 కవచ్ 4జీ ఫీచర్లు
5 ఇంచ్ హెచ్‌డీ డిస్‌ప్లే
720 x 1280 పిక్సల్స్ స్క్రీన్ రిజల్యూషన్
1.25 గిగాహెడ్జ్ క్వాడ్‌కోర్ ప్రాసెసర్
ఆండ్రాయిడ్ 7.0 నూగట్,
1 జీబీ ర్యామ్
8 జీబీ  ఇంటర్నల్‌ స్టోరేజ్‌, 32 జీబీ ఎక్స్‌పాండబుల్
5 మెగాపిక్సల్ రియర్‌ కెమెరా
5 మెగాపిక్సల్ సెల్ఫీ కెమెరా
2300 ఎంఏహెచ్ బ్యాటరీ