సహజసిద్ధమైన చర్మం కోసం.. ఈ టిప్స్ పాటించండి!

Posted: 11/02/2015 01:53 PM IST

మెరుగైన చర్మసౌందర్యాన్ని పొందడం కోసం మహిళలు రకరకాల బ్యూటీ ప్రోడక్ట్స్ వినియోగిస్తారు.. మరికొంత బ్యూటీపార్లర్లకు వెళుతుంటారు.. ఇంకా రకరకాల పద్ధతులను అనుసరిస్తుంటారు. అయితే.. ఈ పద్ధతులన్నీ సౌందర్యాన్ని పెంచుతాయే తప్ప.. సహజసిద్ధమైన చర్మాన్ని మాత్రం అందించలేవు. పైగా.. వాటివల్ల సైడ్ ఎఫెక్ట్ వచ్చే ప్రమదమూ వుంది. అలాంటప్పుడు.. వాటిని వినియోగించడం తగ్గించేసి కొన్ని ఇంటి చిట్కాలు పాటిస్తే.. సహజసిద్ధమైన చర్మసౌందర్యాన్ని పొందవచ్చు. మరి.. ఆ చిట్కాలేంటో తెలుసుకుందామా...

* ఒక పాత్ర తీసుకుని అందులో కాస్త మీగడ, పసుపు వేసి బాగా కలుపుకోవాలి. ఈ మిశ్రమాన్ని రోజూ చర్మానికి రాయాలి. ఈ మిశ్రమం రాసిన పదినిముషాల తర్వాత మెత్తగా, నెమ్మదిగా మసాజ్ చేసుకోవాలి. ఐదు నిమిషాల తర్వాత గోరువెచ్చని నీటితో శుభ్రం చేసేసుకోవాలి.

* ఒక గాజు పాత్ర తీసుకుని అందులో నిమ్మ, తులసి ఆకుల రసం సమపాళ్ళలో వేసి బాగా కలుపుకోవాలి. ఈ మిశ్రమాన్ని రోజూ రెండుసార్లు ముఖానికి పట్టించాలి. కాసేపైన తర్వాత గోరువెచ్చని నీటితో శుభ్రంగా కడిగేసుకోవాలి. అంతే! చర్మ సౌందర్యం మరింత పెరుగుతుంది.

* ఒక పాత్రలో బంగాళాదుంపల నుంచి రసం తీసి పక్కనపెట్టుకోవాలి. అర్ధగంట వరకూ అలాగే ఉంచండి. వారానికి రెండు,మూడు సార్లు ఇలా చేయడం వల్ల టాన్‌ తగ్గుతుంది. తద్వారా చర్మం మృదువుగా తయారై.. సహజసిద్ధమైన చర్మ సౌందర్యం మెరుగవుతుంది.

* ఒక పాత్రలో చందనం, తేనె, నిమ్మరసం, పెరుగు తదితరాలను సముపాళ్లలో తీసుకుని బాగా కలుపుకోవాలి. ఈ మిశ్రమాన్ని ముఖానికి పట్టించి 15 నిముషాల తర్వాత శుభ్రం చేసుకోవాలి. ఇది చర్మాన్ని మృదువుగా ఉంచడంతో పాటు టానింగ్ ఎఫెక్ట్‌ను నివారిస్తుంది.