ఫేస్ వాష్ సింపుల్ టిప్స్

Posted: 09/02/2015 01:29 PM IST

ప్రస్తుత ఆధునిక యుగంలో అలవరుచుకున్న ఆహారపు అలవాట్ల (పోషకాలు లేని ఆహారాలు తీసుకోవడం)తోపాటు కాలుష్య వాతావరణ ప్రభావం కారణంగా వివిధ రకాల చర్మ సమస్యలు ఎదురవుతున్నాయి. అలాగే.. వాతావరణ మార్పు వల్ల చర్మసంబంధిత ఇబ్బందులును ఎదుర్కోవలసి వస్తుంది. ఎండవేడిమి ఎక్కువగా వున్నప్పుడు చర్మం జిడ్డుగా మారడం, మొటిమలు ఏర్పడటం, నల్లని మచ్చలు క్రమంగా వ్యాపించడం, ఇంకా రకరకాల సమస్యలు వస్తాయి. వీటన్నికీ ప్రత్యేకమైన బ్యూటీ ప్రోడక్ట్స్, రెమెడీలు అందుబాటులో వున్నాయి. అయితే.. ఫేస్ వాష్ చేసుకునేటప్పుడు మాత్రం చాలా జాగ్రత్త వహించాలని నిపుణులు అంటున్నారు. ఆ చిట్కాలేమిటంటే..

* సున్నితమైన చర్మం గలవారు ఆల్కహాల్, పరిమళాలేవి లేని ఫేస్ వాష్ వాడాలి. ఎందుకంటే ఘాటైన ఫేస్ వాష్‌లను సున్నితమైన చర్మం తట్టుకోలేదు. దానివల్ల ఇన్ఫెక్షన్స్ వచ్చే ప్రమాదం ఉంది. ముఖం కడుక్కునేటప్పుడు గట్టిగా రుద్దకూడదు. అలాగే ఎక్కువ సేపు ఫేస్ వాష్ నురగను ముఖంపై ఉంచకూడదు. ఇలా చేస్తే చర్మంపై పగుళ్లు వచ్చే అవకాశం ఉంది.
* పొడిచర్మంగల వారు సహజసిద్ధమైన మాయిశ్చరైజర్ అయిన కలబంద, గ్లిజరిన్, విటమిన్-ఇ ఉన్న ఫేస్ వాష్‌లను వాడాలి.
* మొటిమలతో బాధపడుతుంటే సాల్సిలిక్ ఆమ్లం ఉన్న ఫేస్ వాష్ వాడితే మొటిమలు తగ్గిపోతాయి.
* జిడ్డుచర్మం ఉన్నవాళ్లైతే ఆయిల్ ఫ్రీ ఫేస్ వాష్‌ని వాడాలి.