అందాన్ని రెట్టింపు చేసే ఫేస్ మాస్కులు

Posted: 08/11/2015 11:19 AM IST

Healthy face masks for glowing skin home remedies beauty tips

మారుతున్న కాలానికి అనుగుణంగా చర్మ సంరక్షణకు, సౌందర్య పోషణకు సంబంధించి రకరకాల జాగ్రత్తలు పాటిస్తేనే అందాన్ని మెరుగుపరుచుకోవచ్చు. రెగ్యులర్ గా వాడే బ్యూటీ ప్రోడక్ట్స్ కంటే కొన్ని ఫేస్ మాస్కులను ఇంట్లోనే చేసుకుని చర్మానికి పట్టిస్తే.. ఎంతో సురక్షితం, శ్రేయస్కరం. మరి.. సహజసిద్దమైన పదార్థాలను ఉపయోగించి చర్మాన్ని సంరక్షించే రెమెడీలను ఎలా చేస్తారో, వాటిని ఎలా అప్లై చేసుకోవాలో, వాటివల్ల కలిగే ప్రయోజనాలేంటో తెలుసుకుందామా..

* అవకాడో : ఒక అవొకాడోని తీసుకుని, దానిని కట్ చేసుకొని లోపల ఉండే గుజ్జుని ఒక గిన్నెలోకి తీసుకోవాలి. దాన్ని మెత్తగా చేసుకున్నగా తర్వాత అందులో ఆలివ్ ఆయిల్ వేసి బాగా కలపాలి. ఈ మిశ్రమాన్ని ముఖానికి మాస్క్ లా వేసుకోవాలి. 10-15 నిముషాలు ఆరిన తర్వాత చల్లటి నీళ్లతో ముఖాన్ని శుభ్రపరచుకోవాలి. ఇలా రెగ్యులర్ గా చేస్తే.. ‘పొడిచర్మం’ సమస్య నుంచి ఉపశమనం పొందవచ్చు.

* బంగాళదుంప-పెరుగు : ఒక బంగాళదుంపను ఉడికించుకుని ముక్కలుగా కోసుకోవాలి. ఆ తర్వాత కొన్ని ముక్కల్ని మెత్తని గుజ్జులా చేసుకోవాలి. అలా సిద్దం చేసుకున్న బంగాళదుంప గుజ్జు ఒక చెంచా తీసుకుని దానికి అరచెంచా పెరుగుతో జత చేసి బాగా కలపాలి. ఈ మిశ్రమాన్ని ముఖానికి అప్లై చేసుకుని 15నిమిషాల పాటు ఆరనివ్వాలి. తర్వాత చల్లని నీటితో ముఖాన్ని శుభ్రం చేసుకోవాలి.

* తేనె-రోజ్ వాటర్ : ఒక పాత్రలో తేనె, రోజ్ వాటర్ ని సముపాళ్లలో తీసుకుని బాగా మిక్స్ చేసుకోవాలి. ఈ మిశ్రమాన్ని ముఖానికి అప్లై చేసుకుని 10 నిముషాలు ఆరనిచ్చి తర్వాత శుభ్రం చేసుకోవాలి. తేనె చర్మానికి సహజసిద్దమైన మాయిశ్చరైజర్ గా పని చేసి తేమని అందిస్తే.. రోజ్ వాటర్ చర్మానికి మంచి టోనర్ గా ఉపయోగపడుతుంది. ఇలా రెగ్యులర్ గా చేస్తే.. పలితం బాగుంటుంది.

* ఎగ్ వైట్ : కోడి గుడ్డులోని తెల్లసొనను తీసుకుని దాన్ని బాగా గిలకొట్టి, ముఖానికి అప్లై చేసుకోవాలి. అరగంటపాటు ఆరనిచ్చి నీళ్లతో ముఖాన్ని శుభ్రం చేసుకోవాలి. ఈ ఫేస్ మాస్క్ వల్ల చర్మం తాజాదనాన్ని సంతరించుకోవడమే కాకుండా ఆరోగ్యవంతంగా కూడా కనిపిస్తుంది. అలాగే చలిగాలుల నుంచి చర్మాన్ని కూడా చక్కగా సంరక్షిస్తుంది.