టమోటా గుజ్జుతో డార్క్ స్కిన్ కు చెక్

Posted: 05/11/2015 02:15 PM IST

వేసవికాలంలో ఎండతాపం ఎక్కువగా వున్న నేపథ్యంలో ఎన్నోరకాల చర్మసమస్యలు తలెత్తుతాయి. ముఖ్యంగా చర్మసౌందర్యానికి సంబంధించిన ఇబ్బందులను ఎదుర్కోవాల్సి వస్తుంది. చర్మం నల్లబడటం, కంటికింద నల్లటి వలయాలు, సన్-టాన్, డార్క్ స్కిన్, చర్మం పొడిబారిపోవడం.. ఇలా రకరకాల సమస్యలు వస్తాయి. ఇటువంటి సమస్యల నుంచి ఉపశహనం పొందాలంటే అందుకు కొన్ని ఇంటి చిట్కాలు (హోమ్ రెమెడీస్) వున్నాయి.

బ్యూటీ ప్రోడక్ట్స్ కంటే ఈ హోమ్ రెమెడీస్ ఎంతో సమర్థవంతంగా పనిచేయడంతోపాటు చర్మసౌందర్యాన్ని పెంపొందిస్తాయి. అలాంటి హోమ్ రెమెడీస్ లలో టమోటా గుజ్జు ఒకటి!టమోటా జ్యూస్‌ చర్మకాంతిని పెంపొందించుకోవడంతోపాటు ఇంకా రకరకాల సమస్యల నుంచి ఉపశమనం పొందవచ్చు. ముఖ్యంగా డార్క్ స్కిన్, ఆయిల్ స్కిన్, మొటిమలు, నల్లని ఛాయలు వంటి ప్రాబ్లమ్స్ ని దూరం చేసుకోవచ్చు. టమోటోలో అసిడ్, ఆస్ట్రిజెంట్స్ వుంటాయి. అవి ముఖంలో జిడ్డును నివారించడంలో సమర్థవంతంగా పనిచేస్తాయి. అలాగే చర్మంలో నూనె ఉత్పత్తిని తగ్గిస్తాయి. ఈ టమోటాతో కలిగే సౌందర్య ప్రయోజనాలేంటో తెలుసుకుందాం...

* రాత్రి పడుకునే ముందు టమోటోను మధ్యకు కట్ చేసి ముఖానికి అప్లై చేయాలి. తర్వాత రోజు ఉదయం చల్లటి నీటితో శుభ్రంగా కడిగేసుకోవాలి. ఇలా ప్రతిరోజూ చేస్తే.. చర్మం కాంతివంతంగా మారుతుంది. నల్లగా వుండే మచ్చలు కాలక్రమంలో తగ్గుతూ ఒకానొక దశలో పూర్తిగా తొలిగిపోతాయి. నల్లని చర్మం సౌందర్యంవంతంగా మారుతుంది.

* ఒక పాత్రలో టమోటో జ్యూస్‌ను తీసుకొని అందులో కొద్దిగా నిమ్మరసం, బేకింగ్ సోడా వేసి బాగా మిక్స్ చేసుకోవాలి. ఈ మిశ్రమాన్ని ముఖానికి అప్లై చేసి.. 10 నిముషాలవరకు అలాగే వుంచుకోవాలి. తర్వాత ముఖాన్ని శుభ్రం చేసుకోవాలి. ఇలా చేస్తే డార్క్ స్కిన్ నుంచి ఉపశమనం పొంది.. చర్మం ప్రకాశివంతంగా మారుతుంది.

* టమోటోను రెండుగా కట్ చేసి, గుజ్జును ముఖానికి అప్లై చేయాలి. 15 నిముషాల తర్వాత శుభ్రం చేసుకోవాలి. ఇలా చేస్తే.. ఆయిలీ స్కిన్‌కు చెక్ పెట్టవచ్చు.