కుంకుమపువ్వుతో ఎన్నో బ్యూటీ బెనిఫిట్స్

Posted: 04/29/2015 03:15 PM IST

చర్మసౌందర్యాన్ని మెరుగుపర్చడంలో బ్యూటీ ప్రోడక్ట్స్ కంటే ప్రకృతిలో సహజంగా లభించే పదార్థాలతో తయారుచేసుకునే రెమెడీలు ఎంతో సమర్థవంతంగా పనిచేస్తాయని బ్యూటీషియన్లు అంటున్నారు. ఎందుకంటే.. అటువంటి వాటిల్లో చర్మానికి కావలసిన పోషక విలువలు ఎంతో పుష్కలంగా వుంటాయి. వీటి ద్వారా రెమెడీలు చేసుకుంటే.. ఆ పోషకాలు నేరుగా చర్మం మీద ప్రభావం చూపుతాయి. తద్వారా తక్షణమే ఫలితాన్ని గమనించవచ్చు. కాబట్టి.. హోమ్ రెమెడీలనే ఎక్కువగా ఉపయోగిస్తే.. చాలా మంచిదని నిపుణులు సలహాలిస్తున్నారు. పైగా.. వీటి ద్వారా ఎటువంటి సైడ్ ఎఫెక్ట్ వుండవని అటు ఆరోగ్య నిపుణులు వెల్లడిస్తున్నారు.

ఇక విషయానికొస్తే.. చర్మసౌందర్యాన్ని మెరుగుపరిచే ప్రకృతి సహజ పదార్థాల్లో కుంకుమపువ్వు కూడా ఒకటి! ఈ పువ్వు ద్వారా ఎన్నో బ్యూటీ బెనిఫిట్స్ పొందవచ్చు. ఇది చర్మ సమస్యలతోపాటు పెదవులు, గోళ్లు వంటి సమస్యల నుంచి ఉపశమనం కల్పిస్తుంది. అలాగే.. దీనిద్వారా తయారుచేసుకునే రెమెడీలు చర్మానికి అప్లై చేసుకుంటే.. తక్కువ సమయంలోనే మెరుగైన ఫలితాన్ని పొందవచ్చు. ఎందుకంటే.. ఇందులో చర్మసౌందర్యాన్ని పెంపొందించే పోషక విలువలు ఎన్నో వుంటాయి. మరి.. ఈ కుంకుమపువ్వుతో బ్యూటీ రెమెడీ ఎలా చేస్తారో.. వాటి నుంచి కలిగే బ్యూటీ బెనిఫిట్స్ ఏంటో తెలుసుకుందామా...

1. కుంకుమపువ్వు చర్మఛాయను మెరుగుపరచడంలో ప్రధానపాత్ర పోషిస్తుంది. ఇందుకోసం... ముందుగా కుంకుమపువ్వును బాగా నులిమి, దానిని ఒక టేబుల్ స్పూన్ నీటిలో వేసి కొద్దిసేపటివరకు నానబెట్టాలి. కుంకుమ నీరు ఎరుపుగా మారిన తర్వాత అందులో కొద్దిగా కాసింత వెన్న వేసి కలియబెట్టాలి. పేస్టులా తయారేంతవరకు ఈ మిశ్రమాన్ని కలిపిన అనంతరం దాన్ని రోజూ ముఖానికి, పెదవులకు పట్టించాలి. ఇలా చేస్తే.. చర్మ ఛాయ మెరుగవడంతోపాటు పింకీ లిప్స్‌ను సొంతం చేసుకోవచ్చు. అలాగే.. మొటిమలు, మచ్చల్ని దూరం చేసుకోవచ్చు. ఇదే మిశ్రమాన్ని గోళ్లకు రాసుకుంటే నెయిల్స్ షైనింగ్‌గా తయారవుతాయి.
 
2. చర్మాన్ని మెరుగుపర్చుకోవడానికి ఈ కుంకుమపువ్వుతోనే మరో విధమైన రెమెడీ తయారుచేసుకుని, ముఖానికి అప్లై చేసుకోవచ్చు. ఇందుకోసం.. ముందుగా ఒక పాత్రలో ఒక స్పూన్ కుంకుమ పువ్వు పొడి తీసుకుని అందులో కొన్ని చుక్కలు పాలు వేసి.. పేస్ట్‌లా కలియబెట్టాలి. అనంతనం ఈ మిశ్రమాన్ని ముఖానికి రాసుకుంటే చర్మపు ఛాయ పెంపొందుతుంది. వారానికి ఒకసారి లేదా మాసానికి మూడు సార్లు ఇలా చేయడం ద్వారా చర్మ సౌందర్యాన్ని మెరుగుపరుచుకోవచ్చునని బ్యూటీషన్లు అంటున్నారు.