బటర్ ఫేస్ ప్యాక్ తో మెరుగైన చర్మం...

Posted: 04/03/2015 05:45 PM IST

వేసవికాలంలో చర్మసౌందర్యాన్ని పెంపొందించుకోవడం కోసం కేవలం బ్యూటీ ప్రోడక్ట్స్ మాత్రమే కాకుండా ఎన్నోరకాల హోమ్ రెమెడీలు కూడా వున్నాయి. అలాంటి రెమెడీల్లో బటర్ ఫేస్ ప్యాక్ ఒకటి! బటర్ తో రకరకాల ప్యాక్స్ తయారుచేసుకుని ముఖానికి పట్టిస్తే.. ఈ వేసవిలో మెరుగైన చర్మసౌందర్యాన్ని పెంపొందించవచ్చు. అలాగే చర్మం ఎంతో ఫ్రెష్ గా, ప్రశాంతంగా వున్నట్లు అనిపిస్తుంది. బటర్ తో తయారుచేసే ఫేస్ ప్యాక్ ని వారానికి ఒకసారి వేసుకుంటే చాలు.. ఇది ఇతర బ్యూటీ ప్రోడక్ట్స్ కంటే సమర్థవంతంగా పనిచేసి, చర్మ సౌందర్యాన్ని పెంచడంతోపాటు సంరక్షిస్తుంది. పైగా ఈ బటర్ తో చేసే ఫేస్ ప్యాక్స్ లో చర్మాన్ని రక్షణ కల్పించే ఎన్నో పోషకాలు కూడా వుంటాయి. మరి.. ఆ ఫేస్ ప్యాక్స్ ఏంతో తెలుసుకుందామా..

బటర్ ఫేస్ ప్యాక్స్ :

- బటర్‌ను ఫ్రెష్ క్రీమ్‌తో మిక్స్ చేసి.. బాగా కలియబెట్టాలి. ఈ మిశ్రమాన్ని ముఖానికి పట్టించి, కొద్దిసేపటివరకు అలాగే వుంచుకోవాలి. అనంతరం గోరువెచ్చని నీటితో శుభ్రం చేసుకోవాలి. ఇలా చేయడం వల్ల ఇన్ స్టాంట్ గ్లో వస్తుంది. ఇలా వారానికి ఒకసారి ముఖాని అప్లై చేసి మసాజ్ చేస్తే ముఖంలో మంచి గ్లో వస్తుంది.

- ఒక కప్పు పెరుగు తీసుకుని అందులో కాస్త బటర్‌ వేసి బాగా మిక్స్ చేయాలి. అనంతరం ఈ మిశ్రమాన్ని ముఖానికి పట్టించుకోవాలి. కొద్దిసేపటి తర్వాత నీటితో శుభ్రం చేసుకోవాలి. ఇలా ఈ ప్యాక్ వేసుకోవడం వల్ల డ్రై స్కిన్ సమస్య నుంచి ఉపశమనం పొందవచ్చు.

- ఒక పాత్రలో కొద్దిగా కొబ్బరి నూనె తీసుకొని అందులో 2 చెంచాలా బటర్‌ వేసి బాగా మిక్స్ చేయాలి. ఈ మిశ్రమాన్ని ఫేస్‌కు ప్యాక్‌గా వేసుకొని కొద్దిసేపటివరకు అలాగే వుంచుకోవాలి. అనంతరం కాటన్‌తో తుడిచి చల్లటి నీటితో శుభ్రం చేసుకోవాలి.
 
- గుప్పెడు బాదంను పొడి చేసి, అందులో 3 టేబుల్ స్పూన్ల బటర్ వేసి బాగా మిక్స్ చేయాలి. ఈ మిశ్రమాన్ని ముఖానికి పూతలా రాసుకోవాలి. కొద్దిసేపటివరకు ఇలాగే వుంచుకుని, నీటితో శుభ్రంగా కడిగేయాలి. ఇలా చేస్తే.. మెరిసే సౌందర్యం లభిస్తుంది.

ఇలా ఈ విధంగా బటర్ తో తయారుచేసుకునే రకరకాల ఫేస్ ప్యాకుల్లో ఏదైనా ఒకటి చర్మానికి తగ్గట్లు వారానికొకటి ట్రై చేయాలి. మొదటి ఏ రెమెడీని అయితే ముఖానికి పట్టిస్తారో అదే కంటిన్యూ చేయాలి. వారానికొకటి మారిస్తే ఫలితం వుండదు.