మృదువైన కేశాలకోసం బ్యూటీ టిప్స్

Posted: 03/06/2015 05:06 PM IST

మహిళలు సౌందర్యవంతంగా కనిపించడంలో కేశాలు కూడా ప్రముఖపాత్రను వహిస్తాయి. కాబట్టి.. వెంట్రుకలను కూడా చాలా జాగ్రత్తగా వుంచుకోవాలి. సాధారణంగా ప్రతిఒక్కరికి కేశాలు చాలా సన్నగా వుంటాయి. తద్వారా అవి నిత్యం ఊడిపోతూ వుంటాయి. అలాంటి సమయాల్లో కేశాలను మృదువుగా చేసుకుంటే.. అవి ఆరోగ్యంగా వుండటంతోపాటు సౌందర్యాన్ని పెంపొందిస్తాయి. అయితే.. జుట్టును మృదువుగా చేసుకోవాలంటే కొన్ని బ్యూటీ టిప్స్ అందుబాటులో వున్నాయి.. వాటిని రెగ్యులర్ గా పాటిస్తే.. త్వరలోనే ఫలితాన్ని గమనించవచ్చు. మరి.. ఆ టిప్స్ ఏంతో తెలుసుకుందామా..

1. షాంపు పెట్టి స్నానం చేసిన తర్వాత కండీషనర్ అప్లై చేయాలి. కండీషనర్ కు ప్రత్యామ్నాయంగా రైస్ వాటర్‌ను తలారా పోసుకోవాలి. ఇలా వారానికి రెండు సార్లు చేస్తే మంచి ఫలితాలను ఇస్తుంది.

2. హెయిర్ ఫాల్‌ను తగ్గించాలంటే.. బియ్యం కడిగిన నీళ్ళల్లో జుట్టును తడపాలి. 15 నిముషాల తర్వాత మంచి నీటితో స్నానం చేయాలి. బియ్యం కడిగిన నీటి ద్వారా హెయిర్ స్ట్రక్చర్ చాలా అందంగా మారుతుంది. చిక్కుబడకుండా, స్కాంటీ,  పల్చబడటాన్ని కూడా తగ్గిస్తుంది. రైస్ వాటర్‌తో శుభ్రం చేయడం వల్ల ఉత్తమ ఫలితాలు లభిస్తాయి.

3. చుండ్రు సమస్యను నివారించడానికి రైస్ వాటర్ తో తలస్నానం చేయడం వల్ల చాలా ఎఫెక్టివ్‌గా పనిచేస్తుందని బ్యూటీషన్లు అంటున్నారు.