మొటిమలకు చెక్ పెట్టే దాల్చిన చెక్క పొడి..

Posted: 02/02/2015 05:49 PM IST

మొటిమలను నివారించుకోవడానికి మార్కెట్’లో ఎన్నోరకాల క్రీములు, ఇతర లోషన్లు అందుబాటులో వున్నాయి. కానీ.. వీటిని రెగ్యులర్’గా వాడటం వల్ల చర్మం సహజత్వం కోల్పోతుంది. ఫలితంగా వయస్సు పెరిగేకొద్దీ చర్మం పొడిపొడిగా మారినట్లు, నల్లఛారలు ఏర్పడటం లాంటివి జరుగుతాయి. అలాకాకుండా వుండాలంటే.. ప్రకృతిలో లభించే కొన్ని పదార్థాలతో అనువైన ఓ మిశ్రమాన్ని చేసుకుని ముఖానికి రాసుకుంటే.. మెరుగైన అందంతోపాటు మొటిమలు మటుమాయమవుతాయి. మొటిమలను దాల్చిన చెక్క పొడితోనూ సింపుల్’గా నివారించుకోవచ్చు. అదెలాగో తెలుసుకుందాం...

దాల్చిన చెక్క పొడితో మొటిమల నివారణ :

1. ఒక పాత్రలో కొద్దిగా దాల్చిన చెక్కపొడిని తీసుకుని, అందులో సరిపడా నిమ్మరసం వేసి బాగా కలుపుకోవాలి. ఈ మిశ్రమాన్ని మొటిమలు, నల్లని మచ్చలు వున్న చోట పూసుకోవాలి. ఆ మిశ్రమం పూర్తిగా ఆరిపోయిన తర్వాత నీటితో శుభ్రం చేసుకోవాలి. ఇలా ప్రతిరోజూ చేసుకుంటే.. త్వరలోనే ఫలితాన్ని పొందవచ్చు.

2. ఒకవేళ నిమ్మరసం ఉపయోగించడానికి ఇబ్బందికరంగా వుంటే.. దానికి బదులుగా తేనెను ఉపయోగించవచ్చు. చెంచా దాల్చిన చెక్క పొడిలోమూడు చెంచాలా తేనె కలుపుకోవాలి. ఈ మిశ్రమాన్ని పడుకునే ముందు మొటిమలు, నల్లని మచ్చలు వున్న చోట రాసుకోవాలి. రాత్రంతా అలాగే వుంచిన తర్వాత ఉదయాన్నే లేవగానే నీటితో శుభ్రం చేసుకోవాలి. (అలా కుదరకపోతే రాసుకున్న 20 నిముషాల తర్వాత శుభ్రం చేసుకోవచ్చు)