The Historical story of Thimmamma Marrimanu banyan tree | guinness book of world record

Thimmamma marrimanu banyan tree history

Thimmamma Marrimanu history, Thimmamma Marrimanu biography, Thimmamma Marrimanu photos, Thimmamma Marrimanu news, banyan tree history, banyan tree biography, banyan tree updates, guiness book of world records, Thimmamma Marrimanu temple

Thimmamma Marrimanu banyan tree history : The Historical story of Thimmamma Marrimanu tree in Anantapur district, located about 25 km from town Kadiri in the state of Andhra Pradesh, India. It recorded as the biggest tree in the Guinness Book of World Records in 1989.

దక్షిణ భారతంలో అతిపెద్ద వృక్షంగా పేరుగాంచిన మర్రిమాను

Posted: 04/29/2015 06:50 PM IST
Thimmamma marrimanu banyan tree history

ప్రపంచ భూభాగంలో నమ్మశక్యం కాని ఎన్నో చమత్కారాలు చోటు చేసుకున్నాయి. వాటి వెనుకున్న కథనాలు, రహస్యాలు అందరినీ అబ్బురపరుస్తుంటాయి. అలాంటి విచిత్రమైన వ్యవహారాల్లో ‘తిమ్మమ్మ మర్రిమాను’ కూడా ఒకటి! ఆంధ్రప్రదేశ్ రాష్ట్రం అనంతపురం జిల్లా కదిరి పట్టణానికి 35 కి.మీ దూరంలో గూటిబయలు గ్రామంలో ఈ మర్రిమాను వుంది. దక్షిణ భారతదేశంలో అతిపెద్ద వృక్షంగా పేరుగాంచిన ఈ చెట్టు.. దాదాపు 5 చదరపు ఎరకాలకంటే ఎక్కువ విస్తీర్ణంలో వ్యాపించి వుంది. 1989లో తిమ్మమ్మ మర్రిమాను గిన్నీసు బుక్ ఆఫ్ వరల్డ్ రికార్డ్స్ లో స్థానం పొందింది. ఈ చెట్టుకు ‘తిమ్మమ్మ’ అను ఆవిడ గుర్తుగా పేరు పెట్టారు. అలా ఎందుకు పెట్టాల్సి వచ్చిందో ఓ కథనం కూడా వుంది.

నేపథ్యం :

బుక్కపట్నానికి చెందిన వెంకటప్ప, మంగమాంబ దంపతులకు తిమ్మమాంబ అనే కుమార్తె వుండేది. గూటిబైలుకు చెందిన బాలవీరయ్యతో తిమ్మమాంబకు వివాహం జరిగింది. కొన్నాళ్లపాటు వీరి సంసారజీవితం బాగానే కొనసాగింది. అయితే.. కొంతకాలం అనంతరం వీరయ్య మరణించాడు. ఆరోజుల్లో సతీసహగమనం ఆచారం కొనసాగుతుండేది కాబట్టి... భర్తమరణంతో తిమ్మమాంబ సతీసహగమనానికి సిద్ధమైంది. అప్పుడు చితిలోకి దూకేందుకు ఎత్తుకోసం నాలుగు ఎండిన మర్రి గుంజలను (కట్టెలు) నాటారు. ఆ నాలుగింటిలో ఈశాన్య దిశలో నాటిన గుంజ... చిగురించి అది మహావటవృక్షంగా ఎదిగింది. అందుకే.. ఈ చెట్టుకు ‘తిమ్మమ్మ’ అనే పేరు పెట్టారు. ఈ చెట్టును ప్రపంచపుటల్లో స్థానం కల్పించేందుకు 1989లో సత్యనారాయణ అరియర్స్ అనే వ్యక్తి ఎంతో కృషిచేశారు. ఆయన తీసుకున్న కృషితోనే ఈ చెట్టు గిన్నిస్ రికార్డుల్లోకెక్కింది. 1355 వూడలతో వుండే ఈ మర్రిమానుకు దాదాపు 660 సంవత్సరాలు నిండాయి.

మరికొన్ని విశేషాలు :

అనంతపురం జిల్లాలో నీటి కొరత ఎక్కువగా వున్నప్పటికీ.. తిమ్మమ్మ మర్రిమాను ఆకాశం కనిపించనంత గుబురుగా పెరిగి, పచ్చని ఆకులతో చూపరులను ఆశ్చర్య చకితుల్ని చేస్తుంది. మర్రిమానును 1992లో అటవీ శాఖ ఆధీనంలోకి తీసుకుంది. మర్రిమాను అభివృద్ధిలో భాగంగా ఆంధ్రప్రదేశ్ పర్యాటక శాఖ రూ.34 లక్షలతో అతిథి భవనం, అటవీశాఖచే వన్యప్రాణుల సంరక్షణ షెడ్డు, రూ.12 లక్షలతో శివఘాట్ నిర్మించారు.

ఈ చెట్టు క్రింద ‘తిమ్మమ్మ’ గుర్తుగా చిన్న గుడి వుంది. అక్కడ వున్న శిలా ఫలకం మీద ‘తిమ్మమ్మ 1394లో శెట్టి బలిజ శెన్నాక్క వేంకటప్ప, మంగమ్మ లకు జన్మించింది. 1434లో సతీ సహగమనం చేసింది’ అని చెక్కబడింది. పిల్లలు లేని దంపతులు ఇక్కడ పూజ చెయ్యడం వల్ల పిల్లలు కలుగుతారని భక్తులు భావిస్తారు. ప్రతి శివరాత్రికి ఇక్కడ పెద్ద జాతర జరుగుతుంది. ఈ వృక్షము పై ఏ పక్షీ మల విసర్జన చెయ్యదని చెపుతారు. అంతేకాదు.. సాయంత్రం ఆరు గంటలకల్లా పక్షులేవీ ఈ చెట్టు పై ఉండవట!

If you enjoyed this Post, Sign up for Newsletter

(And get your daily news straight to your inbox)

Rate This Article
(0 votes)
Tags : Thimmamma Marrimanu  banyan tree  guiness book of world records  

Other Articles

Today on Telugu Wishesh