విద్యుత్ వెలుగుల్లా విరజిమ్మే ‘‘బృందావన్’’ గార్డెన్!

Posted: 10/18/2014 05:57 PM IST

మన భారతదేశంలో వుండే పర్యాటక ప్రదేశాలు ఒక్కొక్కటి ఒక్కొక్క ప్రత్యేకమైన ఆకర్షణను కలిగి వుంటాయి. కొన్ని సంస్కృతి-సంప్రదాయాలు ఉట్టిపడేలా ప్రాచీన కాలానికి చెందిన చారిత్రాత్మక కట్టడాలు వుంటే... మరికొన్ని ఆధునికతో కూడిన నిర్మాణాలు ఎంతో ఆహ్లాదాన్ని నింపుతాయి. అటువంటి వాటిల్లో ‘‘బృందావన్’’ గార్డెన్ కూడా ఒకటిగా చెప్పుకోవచ్చు. ఎందుకంటే... దేశమొత్తం మీద ఎక్కడాలేని విధంగా ఈ గార్డెన్ రాత్రివేశాల్లో విద్యుత్ వెలుగుల్లా విరజిమ్ముతుంటుంది. ఆ గార్డెన్ వున్న ప్రాంతం మొత్తం ఎంతో ప్రత్యేకంగా కనువిందు చేస్తుంది. అందుకే.. దీనిని వీక్షించడానికి దేశం నలుమూలల నుంచి ఎంతోమంది పర్యాటకులు వస్తూ వుంటారు.

Simple Picture Slideshow:
Could not find folder /home/teluguwi/public_html/images/slideshows/brindavangardens

మైసూరులో వుండే ఈ గార్డెన్.. నగరం నుంచి ఒక గంట ప్రయాణం దూరంలో వుంటుంది. ఈ గార్డెన్ కు చేరుకోవడానికి ప్రత్యేకంగా చాలా బస్సులు అందుబాటులో వున్నాయి కూడా! ప్రకృతి అందాలతో ఎంతో ఆకర్షణీయంగా కనిపించే ఈ గార్డెన్.. సాయంకాల సమయంలో అక్కడి విద్యుత్ దీపాల అలంకరణ, ఫౌంటేన్ నీటి పొంగులు మొదలైన ప్రత్యేకతలతో ఎంతో అద్భుతంగా కనువిందు చేస్తుంది. ఒక్కమాటలో చెప్పాలంటే.. ఏ విధంగా అయితే ఒక పెళ్లికూతుర్ని అందంగా అలంకరిస్తారో.. అదేవిధంగా ఈ గార్డెన్ రాత్రివేళల్లో ఎంతో ఆకర్షణీయంగా కనిపిస్తుంది. దీనిని కె.ఆర్.ఎస్. ఆనకట్ట అని కూడా అంటాడు. ఈ గార్డెన్ ఎన్నో తోటల సమూహం!

బహుముఖ అందాలతో కూడిన ఈ గార్డెన్ ను పండుగ రోజులు లేదా ఇతర సెలవు దినాల్లో అందులో వుండే తోటలను విద్యుత్ దీపాలతో అలంవకరిస్తారు. అప్పుడు సాయంత్రి 7 నుంచి 8.30 వరకు వాటిని వెలిగిస్తారు. తోటకు మధ్యలో ప్రవేశం వుండటంతో ఇరువైపులా తోటలు ఆ వెలుగుల మధ్య ఎంతో ఆకర్షణీయంగా కనువిందు చేస్తాయి.