‘భారతదేశం’ వంటి పుణ్యభూమిలో ఎందరో ప్రతిభావంతులు జన్మించారు. తమ ప్రతిభతోపాటు దేశ ఔన్నత్యాన్ని చాటిచెబుతూ.. రాబోయే తరాలకు ఆశ్రయంగానూ, ఆదర్శంగానూ నిలిచారు. అనుకున్న లక్ష్యాన్ని చేరుకోవాలని బలంగా తమ ఆశయాన్ని పదిలపర్చుకున్నవారు ఏదో ఒకరోజు ఖచ్చితంగా సాధిస్తారన్న నమ్మకాన్ని కలిగించారు. జీవితంలో ఎదురయ్యే ఎన్నో ఒడిదుడుకులు మన లక్ష్యాన్ని అడ్డుకోవన్న సత్యాన్ని చేసి నిరూపించారు. అలాంటివారిలో వసంతరావు వెంకటరావు ఒకరు! ప్రముఖ సైన్స్ రచయిత అయిన ఈయన... భౌతిక శాస్త్ర విజ్ఞానాన్ని రచనల ద్వారా విస్తృత పరిధితో వ్యాపింపజేశారు.
జీవిత విశేషాలు :
1909 ఫిబ్రవరి 21వ తేదీన వసంతరావు వెంకటరావు జన్మించారు. ఈయన తండ్రి పేరు తాతారావు. విజయనగరం మహారాజ కాలేజీ, బెనారస్ హిందూ విశ్వవిద్యాలయాలలో వసంతరావు ఉన్నత విద్య (ఎం.యస్సీ) చదివారు. అనంతరం ఆంధ్ర విశ్వవిద్యాలయంలో ప్రముఖ శాస్త్రవేత్త సూరి భగవంతం వద్ద భౌతికశాస్త్ర ప్రయోగశాలలో కొంతకాలం శిక్షణ పొందారు. 1935లో విజయనగరంలోని మహారాజా కళాశాలలో భౌతికశాస్త్ర ఆచార్యునిగా చేరి, పదోన్నతులను పొందుతూ ప్రిన్సిపాల్ గా (1956-69) పదవీవిరమణ చేశారు.
రచయితగా :
భౌతికశాస్త్రాన్ని అవపోసిన పట్టిన ఈయన... ఆ శాస్త్ర విజ్ఞానాన్ని తన ఉపన్యాసాలు, రచనల ద్వారా విస్తృత పరిధిలో వ్యాపింపచేశారు. తెలుగులో భౌతిక, రసాయనిక శాస్త్రాలకు సంబంధించిన పాఠ్యపుస్తకాలను తెలుగు భాషా సమితి తరపున రూపొందించారు. దాదాపు సహస్ర విజ్ఞాన వ్యాసాలు రాసారు. వీటిలో అనేకం వ్యాస సంపుటాలుగా వెలువడ్డాయి. ఈయన రాసిన సైన్స్ గ్రంథాలు 32లో కొన్ని ఇంటర్మీడియట్, డిగ్రీ విద్యార్థులకు పాఠ్య పుస్తకాలుగా ఎంపిక అయ్యాయి. వాటిల్లో ‘ఆధునిక విజ్ఞానం’ పేరుతో ఆయన రాసిన పుస్తకం ప్రసిద్ధి చెందింది. ‘మానవ మానవ, పడకటింట్లో విజ్ఞానచర్చ, పారిజాతం’ మొదలగు అనేక పుస్తక రచనలు జన సామాన్యానికి కూడా విజ్ఞానాన్ని చేకూర్చాయి.
విద్యార్థి లోకానికి సంబంధించిన భౌతిక శాస్త్ర సంబందమైన అనేక ప్రయోగాలు వసంతరావు నిర్వహించారు. సామాన్య శాస్త్రం మీద, మాతృభాష మీద ఈయనకు గల అపార గౌరవాభిమానాలు.. తెలుగువారికి వరప్రదాతలయ్యాయి. సైన్స్ ను అతి సరళమైన తెలుగు భాషలో విస్తృత ప్రచారం చేసిన ఈయన 1992, ఏప్రిల్ 25 న మృతి చెందారు.
(And get your daily news straight to your inbox)
Mar 10 | స్వాతంత్ర్యం వచ్చి 75 ఏళ్లు పూర్తయిన ఈ అఖండ భారతావనిలో ఎదుటివాడి గురించి ఆలోచించేవాడు ఎవ్వడూలేడు. కళ్లెదుటే నేరాలు జరుగుతున్నా వాటిని ఎదుర్కోవడానికి ఎవ్వరూ సాహసించరు. ఎవరికి అన్యాయం జరిగినా.. మనం జోక్యం చేసుకుంటే... Read more
Jan 19 | పేద, పెద్ద అన్న తారతమ్యాలు లేకుండా ఆకలి అన్న అర్తనాధం వినిపించనంతనే వారిని దరిచేర్చుకుని కడుపారా అన్నంపెట్టి మహర్షి, సమర్ధసద్గురు, అవదూత, భగవాన్ శ్రీ కాశీనాయన. క్షుద్భాదను ఎవరూ అనుభవించరాదని ప్రజలకు హితబోధ చేశారు... Read more
Oct 02 | తెలంగాణ ఉద్యమానికి ఆది గురువు. తెలంగాణ ఉద్యమంలో క్రీయాశీలక పాత్ర పోషించిన తెలంగాణ గాంధీ, బోళతనానికి నిలువుటద్దం కొండా లక్ష్మణ్ బాపూజీ. తన జీవితమంతా తెలంగాణ పక్షమే వహించారు. చివరి నిముషం వరకు తెలంగాణ... Read more
Jun 21 | తెలంగాణ సిద్ధాంతకర్త, జాతిపిత ప్రొఫెసర్ కొత్తపల్లి జయశంకర్.. ప్రత్యేక రాష్ట్ర అవిర్భావానికి వేసిన ప్రణాళికలు.. ఉద్యమానికి ఇచ్చిన సూచనలు.. అసలు తెలంగాణ ఎందుకు అన్న ప్రశ్నలకు తెలంగాణవాదులందరూ బుదలిచ్చే విధంగా.. రాసిన పుస్తకాలు దోహదం... Read more
Jan 23 | భారత స్వతంత్ర్య పోరాటంలో ఆయన ఓ విప్లవాత్మక నాయకుడు. శాంతమంత్రి జపిస్తూ చేతులు కట్టుకుని కూర్చుంటే.. కాలయాపన చేస్తూ పబ్బం గడుపుకునే బ్రీటీష్ వారికి.. స్వతంత్ర్యం చేకూరే దశలో తిరుగుబాటు బావుటా రుచి చూపించిన... Read more