ఓవెన్ ను ఇలా కూడా వాడొచ్చు తెలుసా....

Posted: 12/16/2014 10:10 PM IST

ఇఫ్పుడు ప్రతి ఇంట్లోనూ మైక్రో వేవ్ ఓవెన్ వాడకం సాధారణమైంది. వండాలన్నా.., వండినది వేడి చేసి తాజాగా మార్చాలన్నా ఓవెన్ తో క్షణాల్లో సాధ్యమవుతుంది. ఓవెన్ అంటే కేవలం కుకింగ్ మరియు బేకింగ్ కోసమే అని మనకు తెలుసు. కాని దీంతో మనకు తెలియని చాలా పనులు చిటికెలో చేసుకోవచ్చు. అవేమిటో ఇప్పుడు చూద్దాము.

 

గుడ్లను పగులగొట్టి కాఫీ కప్ లో పోసి.., వాటికి పాలు, చీజ్, ఉప్పు, మిరియాల పొడి చల్లించి నిమిషంన్నర పాటు ఉంచి వెరైటి ఫుడ్ ఐటం తయారు చేసుకోవచ్చు.

ఆలుగడ్డలను సన్నని ముక్కలుగా కోసి.., ఓ ప్లేటుపై విడివిడిగా పెట్టి వాటిని మూడు నిమిషాల పాటు ఓవెన్ లో ఉంచితే ఆలు చిప్స్ రెడి. మరింత క్రిస్పీగా కావాలంటే కాస్త ఎక్కువ సేపు పెడితే సరిపోతుంది.

ఎల్లిపాయలు పొట్టు ఊడిపోవాలంటే ఓవెన్ లో ఇరవై సెకన్ల పాటు ఉంచితే సరిపోతుంది.

మూలికా ఆకులను పొడిగా తయారు చేసుకోవాలంటే.. శుభ్రంగా కడిగి, ఆరబెట్టి ఓ ప్లేటులోకి తీసుకుని ఓవెన్ లో పెట్టాలి. ప్రతి ముప్పై సెకన్లకు ఆకులను తిప్పుతుండాలి. అయితే ఆకుల పరిమాణం, గాఢతను బట్టి సమయాన్ని పెంచాల్సి ఉంటుంది.

నారింజ నుంచి సాధారణం కంటే ఎక్కువ జ్యూస్ రావాలంటే పది నుంచి ఇరవై సెకన్ల పాటు ఓవెన్ లో పెట్టాలి.

ఉల్లిగడ్డల కొనలను తీసివేసి ముప్పై సెకన్ల పాటు ఓవెన్ లో పెట్టి, బయటకు తీసి కోసుకుంటే కన్నీళ్లు రావు.

బ్రౌన్ షుగర్ ను ఓ పాత్రలో పోసుకుని ఓవెన్ లో ముప్పై సెకన్ల పాటు ఉంచి బయటకు తీస్తే మరింత మృదువుగా అవుతుంది.

టమాట తొక్కను మాత్రమే తీయాలనుకుంటే ముప్పై సెకన్ల పాటు ఓవెన్ లో వేడి చేస్తే..,, తొక్క సులువుగా వస్తుంది.

రాత్రి నీళ్ళలో ఉంచి ఉదయం తినాల్సిన బీన్స్ వంటి కాయ ధాన్యాలను, నానబెట్టడం మర్చిపోతే ఏం పర్వాలేదు. ఎందుకంటే పది నిమిషాల పాటు ఓవెన్ లో పెట్టి.., బయటకు తీసి అరగంట తర్వాత ఉపయోగించుకుంటే సరిపోతుంది.

బ్రెడ్ ఎండిపోయినట్లయితే.., పలచటి కిచెన్ టవల్ లో పెట్టి మైక్రోవేవ్ ఓవెన్ లో పది సెకన్లు లేదా మోతాదును బట్టి కాస్త ఎక్కువ సమయం ఉంచితే.., సాధారణ స్థితికి వస్తుంది.