జమ్మూ కాశ్మీర్ మరియు ఝార్ఖండ్ రాష్ట్రాలలో లో నేడు పోలింగ్

Posted: 12/09/2014 10:13 AM IST

జమ్మూ కాశ్మీర్లో ప్రధాన ప్రాంతమైన కాశ్మీర్ లోయ లో బారి బందోబస్తు మధ్య పోలింగ్ జరుగుతుంది. గత శుక్రవారం వరుసగా జరిగిన ఉగ్రవాదుల దాడుల తర్వాత ఈ రోజు కాశ్మీర్ లో మూడవ దశ ఎన్నికలు జరుగుతున్నాయి. ఉగ్రవాద దాడుల నేపధ్యంలో జమ్మూ కాశ్మీర్ ముఖ్యమంత్రి ఒమర్ అబ్దుల్లా ఈ ఎన్నికలలో ఏవైన అవాంతరాలు కలిగిన యెడల తిరిగి మల్లి రీపోలింగ్ నిర్వహించాల్సిందిగా కోరుతున్నాడు. ఏది ఏమైనప్పటికీ కాశ్మీర్ లోయలో ఈ మధ్య మోడీ పర్యటన తో బి జె పి పార్టీ మంచి ఉత్సాహం తో ఉంది. మోడీ నిన్న  పర్యటించినపుడు బుల్లెట్ కన్నా బాలెట్ శక్తివంతమైనదని వారు (ఉగ్రవాదులు) బులెట్ సంధిస్తే మీరు బాలెట్ తో సమాధానం చెప్పాలని ఉత్తేజపూరితమైన ప్రసంగం ఇచ్చిన విషయం తెలిసిందే.  మలి దశ పోలింగ్  డిసెంబర్ 14 న జరిగి ఫలితాలు డిసెంబర్ 23 న వెలువడతాయి.

ఝార్ఖండ్ లో కూడా ఇవ్వాళ కొన్ని ప్రాంతాలలో పోలింగ్ జరుగుతుంది. మొత్తం 81 సీట్ లలో 17 నియోజకవర్గాలకు ఈ రోజు పోలింగ్ జరుగుతుంది. కట్టుదిట్టమైన భద్రత ఏర్పాట్ల మధ్య ఝార్ఖండ్ ప్రజలు తమ ఓటు హక్కుని వినియోగించుకుంటున్నారు.

hari