మందేసి, చిందేసి పట్టుబడ్డ మోడళ్లు

Posted: 12/09/2014 07:30 AM IST

Moinabad rave party busted hyderabad poilce arrest mumbai models

హైదరాబాద్ శివార్లలో రేవ్ కల్చర్ కొనసాగుతూనే ఉంది. పోలిసులు దాడులు చేస్తున్నా ఈ విష సంస్కృతి మాత్రం ఆగటం లేదు. తాజాగా రంగారెడ్డి జిల్లా మొయినాబాద్ సమీపంలోని ఓ ఫాం హౌజ్ లో రేవ్ పార్టీని పోలిసులు భగ్నం చేశారు. రేవ్ పార్టీ జరుగుతున్నట్లు సమాచారం అందుకున్న ఎస్.ఓ.టి. పోలిసులు ప్రత్యేక బృందాలతో కలిసి అర్ధరాత్రి ఫాం హౌజ్ పై దాడి చేశారు. ఫాం హౌజ్ లో ఉన్న దృశ్యాలు చూసి పోలిసులు ఆశ్చర్యపోయారు. ఎనమిది మంది మోడళ్ళు అర్ధనగ్న డాన్సులు చేస్తుండగా.., మగరాయుళ్ళు తాగుతూ వారితో కలిసి తూగుతుండటం చూసి నివ్వెరపోయారు.

యువతులంతా ముంబైకి చెందిన మోడల్స్ గా పోలిసులు గుర్తించారు. 8మంది మోడల్స్ తో పాటు 22మంది యువకులను అరెస్టు చేశారు. వీరి నుంచి రూ. 1.21 లక్షల నగదు, ఐదు కార్లు, సెల్ ఫోన్లు స్వాధీనం చేసుకున్నట్లు పోలిసులు వెల్లడించారు. అయితే తాము రేవ్ పార్టీ చేసుకోవటం లేదనీ.., పెళ్ళి తర్వాత జరిగే ముజ్రా డాన్స్ అని నిర్వాహకుడు దిలీప్ వెల్లడిస్తున్నాడు. కానీ ఘటనా స్థలంలో దొరికిన ఆధారాలు, తాము చూసిన దృశ్యాలను బట్టి అక్కడ రేవ్ పార్టీ జరుగుతోందని గుర్తించినట్లు పోలిసులు చెప్తున్నారు. అరెస్టయిన 22మంది బడాబాబులు, వారి సంబంధీకులుగా పోలిసులు చెప్తున్నారు.