మరోమారు బ్యాడ్ బాయ్ హెర్షెలీ గిబ్స్ అరెస్టు..

Posted: 12/03/2014 09:05 PM IST

దక్షిణాఫ్రికా మాజీ బ్యాట్స్మన్ హెర్ష్లీ గిబ్స్కు ఎప్పటినుంచో బ్యాడ్బోయ్ అని పేరుంది. ఒకస్తాయికి ఎదిగిన తరువాత తనను అభిమానులు ఫాలో అవుతుంటారని తెలిసి కూడా తప్పులు చేస్తూ పట్టుబడుతూ వుండాడు ఈయన. నిత్యం వివాదాలతోనే కాపురం చేసే గిబ్స్.. తాజాగా మరోసారి అరెస్టయ్యాడు. అదీనూ మద్యం సేవించి వాహనం నడిపిన కేసులో. ఇకనేం పోలీసులకు అడ్డంగా దోరికిన గిబ్స్ కు అరదండాలు వేసి అత్తారింటికి పంపారు. ఫుల్లుగా తాగేసి ఉన్న గిబ్స్.. విపరీతమైన వేగంతో కారు నడిపి మరో కారును ఢీకొన్నాడు.

అదృష్టవశాత్తు ఈ ప్రమాదంలో ఎవరికీ గాయాలు కాలేదు. అయితే తాగి వాహనం నడిపినందుకు గిబ్స్ మీద కేసు నమోదు చేసి అతడిని అరెస్టు చేసినట్లు పోలీసులు తెలిపారు. గిబ్స్ తాగి వాహనం నడపడం ఇది మొదటిసారేమీ కాదు. ఇంతకుముందు 2008 మార్చిలో కూడా కేప్టౌన్ నగరంలోనే పీకల వరకు మద్యం సేవించి నిర్లక్ష్యంగా వాహనం నడిపినందుకు అతడిని పోలీసులు అరెస్టు చేశారు. 2009లో డ్రగ్స్, మద్యం అలవాట్ల నుంచి బయటపడేందుకు రీహాబిలిటేషన్ కోర్సులో చేరాడు.

జి. మనోహర్