విషాదంలో డైరెక్టర్ వి.వి.వినాయక్

Posted: 12/03/2014 07:44 AM IST

టాలీవుడ్ డైరెక్టర్ వి.వి.వినాయక్ కు మాతృవియోగం కలిగింది. ఆయన తల్లి నాగరత్నమ్మ(61) మంగళవారం సాయంత్రం కన్నుమూశారు. కొద్దికాలంగా అనారోగ్యంతో బాధపడుతున్న రత్నమ్మ ఆస్పత్రిలో చికిత్స తీసుకున్నారు. అయితే దుదృష్టవశాత్తు చికిత్స ఫలించకుండానే మంగళవారం సాయంత్రం తుదిశ్వాస విడిచారు. దీంతో వినాయక్ తో పాటు ఆయన కుటుంబీకులు కన్నీరుమున్నీరవుతున్నారు. స్వస్థలం పశ్చిమగోదావరి జిల్లా చాగల్లుకు పార్థీవదేహాన్ని మంగళవారం రాత్రి తీసుకెళ్ళారు.

ఇవాళ నాగరత్నమ్మ అంత్యక్రియలు నిర్వహిస్తారని వినాయక్ కుటుంబ సన్నిహిత వర్గాలు తెలిపాయి. నాగరత్నమ్మకు ముగ్గురు కుమారులు, ముగ్గురు కూతుళ్ళు కాగా అందరిలోకి వినాయక్ పెద్దవాడు. వినాయక్ తల్లి చనిపోయిందన్న విషయం తెలుసుకున్న టాలీవుడ్ ప్రముఖులు విచారం వ్యక్తం చేశారు. ఆయన కుటుంబానికి ప్రగాఢ సానుభూతి ప్రకటించారు. ‘తెలుగు విశేష్’ కూడా వినాయక్ కుటుంబానికి ప్రగాఢ సానుభూతి ప్రకటిస్తోంది.నాగరత్నమ్మ ఆత్మకు శాంతి చేకూరాలని ప్రార్ధిస్తున్నాము.

 

 

కార్తిక్