చంద్రబాబు టూర్ సగంలోనే సక్సెస్

Posted: 11/27/2014 07:48 AM IST

ఏపీ ముఖ్యమంత్రి చంద్రబాబు నాయుడు చేపట్టిన జపాన్ పర్యటన పూర్తి కాకముందే సత్ఫలితాలను ఇస్తోంది. బాబుతో చర్చలు జరుపుతున్న జపాన్ ప్రతినిధులు రాష్ర్టంలో పెట్టుబడులు పెట్టేందుకు సుముఖత వ్యక్తం చేస్తున్నారు. నాలుగవ రోజు పర్యటనలో భాగంగా జపాన్ లోని పలు నగరాల్లో బాబు పర్యటించారు. ఆటో మొబైల్ రంగంలో దిగ్గజ సంస్థ ఇసుజు ప్రతినిధులతో ఏపీ బృందం సమావేశం అయింది. ఈ సందర్బంగా రాష్ర్టంలో పెట్టుబడులు పెడితే వచ్చే ఫలితాలు, ఏపీ ఇచ్చే రాయితీలను ప్రభుత్వం విదేశీ ప్రతినిధులకు వివరించింది.

ఈ రాయితీల పట్ల సంతోషం వ్యక్తం చేసిన ఇసుజు బృందం ఏపీలో ఫ్యాక్టరీ పెడతామని చెప్పింది. దేశంలో ఇప్పటికే 10 ప్లాంటులు ఉన్నా ఏపీలో మరొక ప్లాంటు పెడతామని వారు స్పష్టం చేశారు. ఇక పర్యటనలో భాగంగా గురువారం రోజు పలు కార్పోరేట్ సంస్థల ముఖ్య ప్రతినిధులు, ప్రభుత్వ రంగ సంస్థలతో చంద్రబాబు బృందం సమావేశం కానుంది. ఈ కంపనీలతో ఏపీ ప్రభుత్వం కీలక ఒప్పందాలు చేసుకుంటుందని తెలుస్తోంది. బాబు టూర్ మద్యలోనే ఇలా సత్ఫలితాలను ఇస్తుంటే.., పర్యటన పూర్తయితే మరిన్ని పెట్టుబడుల, రాష్ర్టానికి వచ్చే కంపనీల సంఖ్య పెరుగుతుందని ప్రభుత్వ వర్గాలు భావిస్తున్నాయి

 

కార్తిక్