రాంపాల్ బాబాకు ఈ నెల 28 వరకు రిమాండ్

Posted: 11/20/2014 08:23 PM IST

Evasive godman produced before high court sent to judicial custody up to 28th

వివాదాస్పద స్వామి రాంపాల్ కు చండీగఢ్-హర్యానా హైకోర్టు నవంబర్ 28 వరకు జ్యుడీషియల్ కస్టడీ విధించింది. గురువారం ఆయనను కోర్టులో హాజరుపరిచారు. ఈ కేసుపై తదుపరి విచారణను ఇద్దరు న్యాయమూర్తులతో కూడిన బెంచ్ ఈనెల 28కి వాయిదా వేసింది. రాంపాల్ అరెస్ట్ సందర్భంగా చోటుచేసుకున్న పరిణామాలపై పూర్తి వివరాలతో అఫిడవిట్ సమర్పించాలని హర్యానా డీజీపీని కోర్టు ఆదేశించింది. బర్వాలాలోని రాంపాల్ ఆశ్రమం వద్ద ఎంత నష్టం జరిగింది, ఎంతమంది గాయపడ్డారు,

ఆశ్రమం నుంచి స్వాధీనం చేసుకున్న ఆయుధాలు, మందుగుండు సామాగ్రి ఆస్తినష్టంకు సంబంధించిన వివరాలు అఫిడవిట్ లో పొందుపర్చాలని సూచించింది. తీవ్ర ఉద్రిక్త పరిస్థితుల నడుమ రాంపాల్ ను హర్యానా పోలీసులు అరెస్ట్ చేశారు. రాజ్యాంగేతర శక్తిలా మారి సోంతంగా సైన్యాని ఏర్పాటు చేసుకోవడం.. గత రెండు వారాలుగా పోలీసులపై తన అనుచరులను ఉసిగోల్పుతూ దాడులకు పాల్పడటం చేసిన రాంపాల్ మొత్తం వ్యవహారంపై న్యాయస్థానం దృష్టి సారించింది.

జి.మనోహర్