‘అక్రమ’బంధంలో దొరికిపోయిన పోలీసులపై వేటు

Posted: 11/15/2014 09:02 PM IST

Charges filed on ci swamy and warangal lady si in improper illegal relationship

కరీంనగర్ జిల్లాకు చెందిన సీఐ స్వామి, వరంగల్ జిల్లా మహిళా ఎస్ఐ లను నగరంలోని బృందావనం హోటళ్లో రాసలీలల్లో ఉండగా... ఎస్ఐ భర్త సునీల్ రెడ్ హ్యాండెడ్ గా పట్టుకుని పోలీసులకు అప్పగించిన సంగతి తెలిసిందే! ఈ ఘటన జరిగిన కొద్దిసేపటికే పోలీసు ఉన్నతాధికారులు స్పందించి.. వారిపై విచారణ జరపిస్తామని వెల్లడించారు. మొదట వారిద్దర్ని డీఐజీ కార్యాలయానికి అటాచ్ చేస్తూ ఉత్తర్వులు వెలువడ్డాయి. ఇదిలావుండగా.. ఈ ఘటనపై హైదరాబాద్ పోలీసుల నుంచి ఫిర్యాదు వివరాలు సేకరించాలని వరంగల్ డీఐజీ మల్లారెడ్డి శనివారం కరీంనగర్ జిల్లా ఎస్పీని ఆదేశించారు. ఈ ఉదంతంపై సాక్షాత్తు డీజీపీ స్పందించడంతో పోలీసులు వేగంగా స్పందించారు.

వివాహేతర సంబంధం నెరపుతూ పట్టుబడ్డ ఆ ఇద్దరి పోలీసు అధికారులపై శనివారం సాయంత్రం అభియోగాలు నమోదయ్యాయి. స్వామిని కోర్టు ముందు హాజరుపరిచి రిమాండ్ కు తరలించన పోలీసులు.. మహిళా ఎస్ఐపై అభియోగాలు నమోదు చేశారు. వారిపై బదిలీ వేటు పడటంతోపాటు 407, 506 సెక్షన్ల కింద కేసులు కూడా నమోదయ్యాయి.