కేంద్ర రక్షణ శాఖ మంత్రిగా మనోహర్ పారికర్..?

Posted: 11/06/2014 07:54 AM IST

దేశ రక్షణ శాఖ మాంత్రిగా గోవా ముఖ్యమంత్రి నియమించాలని ప్రధాని మోదీ భావిస్తున్నారు. దేశానికి ఇరు వైపుల నుంచి పొరుగు దేశాలు అవలంభిస్తున్న విధానాలను ఎప్పటికప్పుడు సమర్ధవంతంగా తప్పికొట్టడంతో పాటు ధీటుగా ఎదుర్కొనేందకు రక్షణ శాఖకు పూర్తిస్థాయిలో కేంద్రమంత్రిని నియమించాలని భావిస్తున్నారు. ఈ నేపథ్యంలో గోవా ముఖ్యమంత్రి మనోహర్ పారికర్ పేరు తెరపైకి వచ్చిందన్నారు. ప్రస్తుతం ఈ శాఖ బాధ్యతలను కేంద్ర ఆర్థికమంత్రి అరుణ్‌జైట్లీ అదనంగా నిర్వరిస్తున్నారు.

అయితే కొంతకాలంగా జైట్లీ అనారోగ్యంతో బాధపడుతుండటంతో ఆయనపై ఒత్తిడి తగ్గించడానికి రక్షణశాఖను మరొకరికి అప్పగించాలని మోదీ అనుకుంటున్నారు. పార్లమెంట్ శీతాకాల సమావేశాలలోపే జైట్లీ రక్షణశాఖను వదులుకొనే అవకాశాలు కనిపిస్తున్నాయి. పారికర్‌ను తన క్యాబినెట్‌లోకి తీసుకోవడానికి మోదీ ఆసక్తిగా ఉన్నట్లు బీజేపీ వర్గాలు తెలిపాయి. దీనిపై మోదీ, పారికర్ మధ్య జరిగే సమావేశంలో తుదినిర్ణయం తీసుకునే అవకాశముంది. అయితే గోవా సీఎంగా తన పదవీకాలం ముగిసిన తర్వాతే ఈ బాధ్యతలు స్వీకరించాలని పారికర్ అనుకుంటున్నట్లు పార్టీ వర్గాలు తెలిపాయి.

జి.మనోహర్