చత్తీస్గఢ్ లో కేసీఆర్, దత్తన్నకు రమణ్ సింగ్ ఫోన్

Posted: 11/02/2014 09:15 PM IST

బీజేపీ నాయకుడు, కేంద్ర మాజీ మంత్రి, సికింద్రాబాద్ ఎంపీ బండారు దత్తాత్రేయకు చత్తీస్గఢ్ ముఖ్యమంత్రి రమణ్ సింగ్ ఆదివారం ఫోన్ చేశారు. తెలంగాణలో నెలకొన్న విద్యుత్ సమస్యలపై రమణ్ సింగ్ బండారుతో ఆరా తీశారు. తెలంగాన ప్రభుత్వంతో విద్యుత్ ఒప్పందం చేసుకుంటున్న నేపథ్యంలో దత్తాత్రేయను చత్తీస్గఢ్ రావాల్సిందిగా రమణ్ సింగ్ ఆహ్వానించారు. చత్తీస్గఢ్, తెలంగాణల మధ్య సోమవారం జరగనున్న విద్యుత్ ఎంవోయూలో పాల్గొనాల్సిందిగా దత్తాత్రేయను కోరారు. దీంతో దత్తాత్రేయ చత్తీస్గఢ్కు బయల్దేరి వెళ్లారు.

అటు ఇప్పటికే తెలంగాణ ముఖ్యమంత్రి కల్వకుంట్ల చంద్రశేఖర్‌రావు ఛత్తీస్‌గఢ్‌లో పర్యటిస్తున్నారు. అధికారిక పర్యటనలో భాగంగా ఆయన సోమవారం చత్తీస్ గఢ్ ప్రభుత్వంతో విద్యుత్ కోనుగోలు ఒప్పందం చేసుకోనున్నారు. ఇవాళ రాయ్‌పూర్‌లోని వివేకానంద విమానాశ్రయంలో దిగగానే ఆయన గోన్‌మంచిలోని వీఎన్‌ఆర్ విత్తన పరిశోధనా కేంద్రానికి వెళ్లారు. అక్కడ ఆయనకు అధికారులు విత్తన కేంద్రం గురించి వివరించారు. అనంతరం ఛత్తీస్‌గఢ్ రైతులతో కేసీఆర్ సమావేశమయ్యారు. బిమెత్రా జిల్లాలోని కోహిదాలో అక్కడి పంటల గురించి రైతులను అడిగి తెలుసుకున్నారు. ఆధునిక వ్యవసాయంపై చర్చించారు.

జి,మనోహర్