విదేశీ పర్యాటకులను ఆకర్షించేలా అరుకు అభివృద్ది..

Posted: 11/01/2014 05:23 PM IST

Aruku development along the lines of foreign tourists

విదేశీ పర్యాటకులను ఆకర్షించేలా అరకును తీర్చిదిద్దుతామని హిందూపురం ఎమ్మెల్యే, సినీనటుడు బాలకృష్ణ అన్నారు. సినిమా షూటింగ్ సందర్భంగా విశాఖ జిల్లా అరకు విచ్చేసిన ఆయన స్థానిక పార్క్‌లోని ఎన్టీఆర్ విగ్రహానికి పూలమాల వేసి నివాళులర్పించారు. అనంతరం మీడియాతో మాట్లాడుతూ... హుదుద్ తుపాను ప్రభావంతో అరకు 20ఏళ్లు వెనక్కి వెళ్లిందన్నారు.

పునరుద్ధరణ చర్యల్లో భాగంగా విదేశీ పర్యాటకులను సైతం ఆకట్టుకునేలే అరుకును తీర్చిదిద్దుతామన్నారు. గిరిజన ప్రాంతంలో రైతులకు అధిక ఆదాయం ఇచ్చే కాఫీ తోటలు తుపాను తీవ్రతకు ఘోరంగా దెబ్బతిన్నాయన్నారు. గిరి రైతులను ప్రభుత్వం అన్ని విధాలుగా ఆదుకుంటుందన్నారు. ఎన్టీఆర్ హయాంలో చిన్న చిన్న సినిమాలతో అరకులోయను సినిమా షూటింగ్‌లకు స్థానంగా చేశామని తెలిపారు. భవిష్యత్‌లో అరకు లోయలో మరిన్ని పెద్ద సినిమాల చిత్రీకరణ జరిగే లా కృషి చేస్తాన్నారు.

జి.మనోహర్