నల్లకుబేరుల వివరాలు.. సకాలంలో అందజేస్తాం..

Posted: 10/16/2014 01:40 PM IST

విదేశాల్లో మూలుగుతున్న నల్లధనం వెలికితీతపై మరో ముందడుగు పడింది. భారతీయులు స్విస్ బ్యాంకుల్లో దాచుకున్న నల్లధనం వివరాలు అందించేందుకు స్విట్జర్లాండ్ ప్రభుత్వం అంగీకరించింది. పన్ను చెల్లించకుండా స్విస్ బ్యాంకుల్లో ధనం దాచిన భారతీయుల పేర్లు, వివరాలను తెలియజేయాల్సిందిగా కోరుతూ భారత ప్రభుత్వం స్విట్జర్లాండ్ను అభ్యర్థించింది. భారత్ అభ్యర్థనపై స్పందించిన స్విట్జర్లాండ్ త్వరలో భారత్ పర్యటనకు స్విస్ అత్యున్నత స్థాయి కమిటీని వస్తుందని అ దేశ ప్రభుత్వం వెల్లడించింది. కమిటీ దేశ పర్యటనకు రాక ముందే భారత్ నల్లకుభేరులకు చెందిన వివరాలను కాలనుగూణంగా వెల్లడించేందుకు స్విస్ ప్రభుత్వం అంగీకరించింది.

దీంతో స్వదేశంలో పన్నులు ఎగ్గొట్టి తమ బ్యాంకుల్లో సొమ్ము దాచుకున్నట్లు అనుమానిస్తున్న భారతీయులపై స్విట్జర్లాండ్ దృష్టి సారించింది. ఈ మేరకు ఓ జాబితాను సిద్ధం చేసే పనిలో పడినట్లు స్విస్ ప్రభుత్వ వర్గాలు ధ్రువీకరించాయి. స్విట్జర్లాండ్‌లోని వివిధ బ్యాంకుల్లో ఉన్న నిధులు ఎవరివో గుర్తించేందుకు కసరత్తు జరుగుతోంది. ఇందులో భాగంగా భారతీయులు, భారతీయ సంస్థలపై దృష్టి సారించామని స్విస్ ప్రభుత్వాధికారి ఒకరు వెల్లడించారు. భారత నల్లకుబేరులు ఇలాంటి పరిణామాలను ముందుగానే ఊహించిన వారే. అందుకే వారంతా ట్రస్టులు, స్విస్ కంపెనీలు, ఇతర దేశాలకు చెందిన సంస్థల పేర్లతో ఇక్కడి బ్యాంకుల్లో నల్లధనాన్ని దాచుకున్నారని స్విస్ అధికారులు అభిప్రాయపడుతున్నారు.

జి.మనోహర్