మంగళవారం విశాఖకు ప్రధాని మోడి

Posted: 10/13/2014 01:12 PM IST

Narendra modi coming to vishakapatnam on tuesday

ఆంధ్రప్రదేశ్ ను అతలాకుతలం చేస్తున్న హుద్ హుద్ తుఫానుపై కేంద్ర ప్రభుత్వం స్పందించింది. రాష్ర్టాన్ని ఆదుకునేందుకు అన్నివిధాలుగా సహాయం చేస్తామని కేంద్రం ప్రకటించింది తుఫాను ప్రభావిత విశాఖ పట్నంలో మంగళవారం రోజు ప్రధాని నరేంద్రమోడి పర్యటించనున్నారు. తుపాను ప్రభావిత ప్రాంతాల్లో పరిస్థితిని తెలుసుకోవటంతో పాటు.., బాధితులను పరామర్శించి భరోసా కల్పించనున్నారు. ఈ మేరకు ప్రధాని ట్విట్టర్ లో.., హుద్ హుద్ తుఫాను భీభత్సంపై విచారం వ్యక్తం చేశారు. బాధితులను కలిసేందుకు మంగళవారం ఏపీ పర్యటనకు వెళ్తున్నట్లు తెలిపారు.

హుద్ హుద్ తుఫాను కనీవిని ఎరుగని రీతిలో విరుచకుపడటంతో.., ఉత్తరాంధ్ర వణికిపోయింది. గంటకు గరిష్టంగా 200కి.మి. వేగంతో వీచిన గాలుల ప్రభావంకు విద్యుత్ స్తంభాలు, చెట్లు నేలకు ఒరిగాయి. సమాచార వ్యవస్థ దెబ్బతిన్నది. భీకరమైన ఈదురుగాలులకు భవనాలు సైతం దెబ్బతిన్నాయి. ఉపద్రవంపై ముందే అప్రమత్తమైన ఏపీ ప్రభుత్వం పెద్దఎత్తున సహాయక చర్యలు చేపట్టింది. తుఫాను ప్రభావిత ప్రాంతాలకు ముందుగానే విపత్తు నిర్వహణా బృందాలను పంపింది. అటు ముఖ్యమంత్రి చంద్రబాబు విశాఖలోనే ఉండి పరిస్థితిని సమీక్షిస్తున్నారు. తాజా భీభత్సంతో ఉత్తరాంధ్ర జిల్లాల్లో ఆస్తుల నష్టం జరిగితే.., కోస్తాంధ్ర ప్రాంతంలో ఎక్కువగ పంటనష్టం జరిగింది. దీంతో ఏపీ రైతులు ఆవేదన వ్యక్తం చేస్తున్నారు. అటు తెలంగాణలోని ఉత్తర ప్రాంతంలో కూడా హుద్ హుద్ ప్రభావం ఉంది.

కార్తిక్