తుపాను బాధిత ప్రాంతాలకు సహాయమందిస్తాం

Posted: 10/12/2014 05:45 PM IST

హుదుద్ తుపాను తాకిడికి విజయనగరం జిల్లా బలిజిపేట మండలంలో రైతులకు తీవ్ర నష్టం వాటిల్లింది. శనివారం అర్ధరాత్రి నుంచి వీస్తున్న పెనుగాలులకు మండలంలోని వివిధ గ్రామాల్లోని వరిపంట నేలమట్టమైంది. తుమరాడ, వెంగాపురం, బలిజిపేట, గంగాడ, వంతరాం గ్రామాల్లో కోతకు సిద్ధంగా ఉన్న అరటిపంట గెలలు విరిగిపోయాయి. శనివారం అర్ధరాత్రి నుంచి విద్యుత్తు సరఫరా నిలిపివేయడంతో పెనుప్రమాదం తప్పింది. బలిజిపేట, పలగర గ్రామాల్లో భారీ వృక్షాలు కూలడంతో సమీపంలోని విద్యుత్తు స్తంభాలు నేలకూలాయి. వెంగాపురంలో ఇటుకబట్టీలు తడిసిపోయాయి. పెనుగాలులతో కూడిన వర్షం కురుస్తుండటంతో ప్రజలంతా ఇళ్లలోనే తలదాచుకుంటున్నారు. నూకలవాడ గ్రామంలో తుపాను పరిస్థితిని తహశీల్దార్ ఈశ్వరమ్మ ఎప్పటికప్పుడు వీఆర్వోల నుంచి తెలుసుకుంటున్నారు.

జి.మనోహర్