అరచేతిలో వైకుంఠమా.. క్షమాపణ చెప్పాలి..

Posted: 10/05/2014 07:21 PM IST

Modi has not fulfilled promises in 100 days

ప్రధాని నరేంద్రమోడీపై తనదైన శైలిలో విరుచుకుపడ్డారు కాంగ్రెస్ నాయకుడు, కేంద్ర మాజీ మంత్రి ఆనంద్ శర్మ. ఎన్నికలకు ముందు దేశాన్ని మార్చేద్దామని ప్రసంగాలు చేసిన నరేంద్రమోడీ.. 100 రోజుల్లో ఏం సాధించారని ప్రశ్నించారు. ఎన్నికల వాగ్ధానాలను నిలుపుకోలేని ప్రధాని దేశ ప్రజలకు క్షమాపణ చెప్పాలని డిమాండ్ చేశారు. ఎన్నికల హామీలను నెరవేర్చడంలో మోదీ విఫలమయ్యారని ఆయన విమర్శించారు. వంద రోజుల పాలన పూర్తిచేసుకున్న మోదీ.. ప్రజలకు ఒరగబెట్టింది ఏమిటని ఆయన ప్రశ్నించారు..

అరచేతిలో వైకుంఠం చూపించి ప్రజలతో ఓట్లు వేయించుకున్నారని దుయ్యబట్టారు. మంచి రోజులు వస్తాయని ప్రజలను మభ్యపెట్టారని అన్నారు. మోదీకి, ఆయన ప్రభుత్వానికి మాత్రమే మంచి రోజులు వచ్చాయని చెప్పారు. ప్రజల స్థితిగతులు ఏమీ మారలేదని దెప్పిపొడిచారు. కూరగాయల ధరలు, నిత్యావసర సరుకుల ధరలు ఆకాశానంటాయని ఆరోపించారు. 100 రోజుల్లో నిత్యావసర సరుకుల ధరలను అదుపులోకి తీసుకువస్తామన్న మోడీ.. ఏం చేశారని ఆనంద్ శర్మ నిలదీశారు.

జి.మనోహర్