6వ తేదీనే బక్రీద్ సెలవు.. ప్రభుత్వ ఉత్తర్వులు జారీ

Posted: 10/02/2014 08:17 AM IST

Bakrid holiday 0n 6th government issued orders

తెలంగాణలోని ప్రభుత్వ ఉధ్యోగులకు వరసు సెలవులు కలసివచ్చాయి. గాంధీ జయంతి, దసరా, అదివారం, ఆ తరువాత బక్రీద్ పండుగలు వరుసగా రావడం వారికి కలసివచ్చింది. వరుస సెలవులతో హైదరాబాద్ నగరం పల్లెలకు పరుగులు తీసింది. అనూహ్యంగా కలసి వచ్చిన పండుగల నేపథ్యంలో 4వ తేదీ శనివారం రోజున లీవ్ పెట్టి.. మరీ ఊళ్లకు ప్రయాణమయ్యారు ప్రభుత్వ ఉద్యోగులు.

ఉద్యోగులకు కలసి వచ్చిన మరో విషయమేమిటంటే.. ఈ నెల 5న కేటాయించిన బక్రీద్ సెలవును ఆరవ తేదీకి మార్చుతూ.. తెలంగాణ ప్రభుత్వం ఉత్తర్వులు జారీ చేసింది. గతంలో ఈ నెల ఐదు (ఆదివారం)ను సెలవుదినంగా ప్రభుత్వం ప్రకటించి ఉత్తర్వులు ఇవ్వగా దీనిపై పలు ముస్లిం సంఘాలు అభ్యంతరం తెలిపాయి. సెలవును ఆరో తేదీకి మార్చాలని కోరడంతో.. ప్రభుత్వం అంగీకరిస్తూ తాజాగా ఉత్తర్వులు జారీ చేసింది. దీంతో పాటు ఈద్-ఇ-గదీర్ ఐచ్ఛిక సెలవును ఈ నెల 13 నుంచి 14కి మారుస్తూన్నట్లు ఉత్తర్వులలో పేర్కొంది. దీంతో ముస్లిం సంఘాలు హర్షం వ్యక్తం చేశాయి

జి.మనోహర్