జయలలితకు సంఘీభావంగా కాలీవుడ్ బంద్

Posted: 09/30/2014 02:26 PM IST

తమిళనాడు మాజీ ముఖ్యమంత్రి, అన్నా డీఎంకే అధినేత్రి జయలలితకు సంఘీభావంగా కాలీవుడ్ స్తంభించింది. తమిళనాడులో ఎక్కడా ఒక్క సినిమా కూడా ఆడలేదు. థియేటర్లన్నీ మూతపడ్డాయి. దాంతోపాటు తమిళ సినిమా ఎగ్జిబిటర్ల సంఘం సభ్యులంతా నిరాహార దీక్ష కూడా చేస్తున్నారు. తమిళ సినీ నిర్మాతల మండలి, దక్షిణ భారత కళాకారుల సంఘం కూడా ఈ నిరాహార దీక్షకు తమ సంఘీభావం తెలిపాయి. సాయంత్రం 6 గంటల వరకు చెపాక్ ప్రాంతంలో నిరసన ప్రదర్శన నిర్వహిస్తున్నారు. తమిళనాడు సినీపరిశ్రమ స్వచ్ఛందంగా బంద్ పిలుపునివ్వడంతో రాష్ట్రవ్యాప్తంగా సినీపరిశ్రమ, సంబంధిత లావాదేవీలు జరగలేదు.

జయలలిత అరెస్టుతో తమిళనాడులో అనేకమంది ఆత్మహత్యా ప్రయత్నాలు చేశారు. మరికొంతమందికి గుండెపోట్లు వచ్చాయి. మొత్తం 16 మంది మరణించారు. కోర్టు తీర్పు గురించి తాము ఏమీ వ్యాఖ్యానించలేమని, అయితే జయలలితకు మాత్రం సంఘీభావంగా ఉంటామని సినీ పరిశ్రమ వర్గాలు చెబుతన్నాయి. సినిమాల నుంచి రాజకీయాల్లోకి వచ్చిన జయలలితకు సంఘీభావంగానే తాము నిరాహార దీక్షలు చేపట్టినట్టు కోలివుడ్ వర్గాలు తెలిపాయి.

జి.మనోహర్