వైట్ హౌజ్ లో బరాక్ ఒబామాతో నరేంద్ర మోడీ భేటీ

Posted: 09/30/2014 08:04 AM IST

భారత ప్రధానమంత్రి హోదాలో తొలిసారిగా నరేంద్రమోదీ శ్వేతసౌధంలోకి అడుగుపెట్టారు. అమెరికా అధ్యక్షుడు బరాక్ ఒబామా, మోడీకి ఎదురోచ్చి స్వయంగా స్వాగతం పలికారు. వైట్ హౌజ్ లో అగ్రరాజ్య అధ్యక్షుగు బరాక్ ఒబామాతో మోడీ భేటీ అయ్యారు. అక్కడ విందుకు హాజరైన మోదీ ఈ సందర్భంగా ఒబమాతో ప్రత్యేకంగా సమావేశమయ్యారు. దౌత్య బంధం, ఉగ్రవాదాన్ని అరికట్టే మార్గాలపై చర్చించే అవకాశం ఉన్నట్లు సమాచారం. ఐఎస్ఐఎస్ తీవ్రవాదాన్ని అరికట్టాల్సిన అవసరం, అందుకు భారత్ సహకారం కావాలని మోడీని ఒబామా కోరనున్నట్లు సమాచారం. దీంతో పాటు బిగ్‌టికెట్ బిజినెస్ డీల్‌పై కూడా మోదీ, ఒబామాలు చర్చించే అవకాశం ఉంది. సాయంత్రం వీరివురు ఓవల్‌హౌస్‌లో మరోసారి సమావేశమై అనంతరం మీడియా సమావేశం ఏర్పాటు చేయనున్నారు. ఈ సందర్భంగా ఇరు దేశాల మధ్య సంబంధాలు ఇదివరకంటే మెరుగయ్యాయని వారు ప్రకటించనున్నారు. దీంతో పాటు అంతర్జాతీయంగా ఉగ్రవాదాన్ని ఎదుర్కోనే విషయంలో వారు ఇరు దేశాల అగ్రనేతలు వారి విధానాలను స్పష్టం చేయనున్నారని అధికార వర్గాలు తెలిపాయి.

జి.మనోహర్