ఆ తీర్పుపై నేనెలాంటి కామెంట్ చెయ్యను..

Posted: 09/27/2014 09:41 PM IST

Rajnath refuses to comment on jayalalitha conviction

ఆదాయానికి మించి ఆస్తుల కేసులో తమిళనాడు ముఖ్యమంత్రి జయలలితను కోర్టు దోషిగా తేల్చిన అంశానికి సంబంధించి మాట్లాడానికి కేంద్ర హోంమంత్రి రాజ్ నాథ్ తిరస్కరించారు. 18 ఏళ్ల నాటి కేసులో జయలలితకు నాలుగేళ్ల శిక్షను ఖరారు చేస్తూ బెంగళూర్ కోర్టు తీర్పు వెలువరించడంపై స్పందించేందుకు ఆయన నిరాకరించారు. దీనిపై మీడియా అడిగిన ప్రశ్నలకు రాజ్ నాథ్ సింగ్ దాటవేత ధోరణి అవలంభించారు. తానకు ఆ తీర్పుకు సంబంధించి ఎలాంటి సమాచారం లేదని, దీంతో ఈ వ్యవహారంపై ఎలాంటి కామెంట్ చేయలేనని తేల్చిచెప్పారు. తీర్పును తానిప్పటివరకు చూడలేదని చెప్పారు.

1991 నుంచి 1996 వరకూ జయలలిత సీఎంగా ఉన్న మధ్యకాలంలో రూ. 66. 65కోట్ల అక్రమాస్తులను కూడగట్టారని ఆరోపిస్తూ సుబ్రహ్మణ్యం కోర్టును ఆశ్రయించారు. దీంతో తాజాగా ఆమెకు నాలుగేళ్ల జైలు శిక్షను ఖరారు చేస్తూ కోర్టు తీర్పును వెల్లడించింది.

జి.మనోహర్