‘‘రేప్’’ల కంట్రీకి రావడానికి భయపడుతున్న విదేశీభామలు

Posted: 08/09/2014 04:12 PM IST

Foreign tourists sacaring to come delhi and india country

తమ మీద ఎవరు, ఎక్కడ, ఏ సమయంలో అత్యాచారాలు చేస్తారోనన్న భయంతో విదేశీ భామలు ఇండియాకు రావడానికి చాలా భయపడుతున్నారని సమాచారం! ఇండియాను ‘‘అత్యాచారాల’’ కంట్రీగా అభివర్ణిస్తున్న ఆ భామలు... ఇండియాపేరు చెప్తే అస్సలు ఆసక్తి చూపించడం లేదని సమాచారం! అయితే వారు ఎందుకంతగా భయపడుతున్నారోనన్న కోణంలో ప్రశ్నించగా.. అందుకు వారు మన దేశంలో జరిగిన నిర్భయ ఘటనను నిదర్శనంగా చూపిస్తున్నారు.

రెండేళ్లక్రితం మన దేశరాజధాని న్యూఢిల్లీలో అందరినీ కలచివేసే నిర్భయ ఘటన జరిగిన తర్వాత... ఆ నగరానికిగానీ, ఇండియాకు రావడానికిగానీ వచ్చేందుకు విదేశీ పర్యాటకులు భయపడుతున్నారని తాజాగా వార్తలు వస్తున్నాయి. భారత పురావస్తుశాఖ ఈ విషయాన్ని గణాంకాలతో తేల్చిమరీ వెల్లడించింది. మన భారతదేశంలో ప్రాచీనకాలానికి చెందిన ఎన్నో కట్టడాలున్నాయి. ముఖ్యంగా ఢిల్లీలోని కుతుబ్ మీనార్, హుమయూన్ టూమ్స్, ఎర్రకోట వంటి ఎంతో ప్రముఖమైనవి. వీటిని వీక్షించడానికి లక్షలాది విదేశీ పర్యాటకులు నిత్యం తరలి వస్తుంటారు. కానీ నిర్భయ ఘటన అనంతరం పర్యాటకుల సంఖ్య తక్కువ అవుతోందని వారు స్పష్టం చేశారు.

విదేశీ పర్యాటకులతోపాటు స్వదేశీ పర్యాటకులు కూడా ఢిల్లీలో విహరించడానికి అంతగా ఆసక్తి చూపడం లేదని పురావస్తు శాఖ కొన్నిలెక్కలను తేల్చిన అనంతరం ఆందోళన వ్యక్తం చేస్తోంది. ఢిల్లీలో వున్న హుమయూన్ టూమ్స్ ను సందర్శించిన పర్యాటలకు సంఖ్య 2011తో పోల్చుకుంటే 2012లో రెట్టింపు కాగా.. 2013లో (నిర్భయ ఘనట తర్వాత) ఒకేసారి 30 శాతం పడిపోయినట్లు వారు తెలుపుతున్నారు. అలాగే కుతుబ్ మీనార్ ను చూడటానికి 2011లో 30 లక్షలు రాగా, 2012లో అది 35 లక్షలకు చేరింది. కానీ 2013లో మాత్రం కేవలం 32 లక్షల పర్యాటకులు మాత్రమే సందర్శించారు.

కేవలం ఈ మూడు చారిత్రాత్మక కట్టడాలకే కాదు.. దేశంలో వున్న ఇతర ప్రముఖ కట్టడాలు జంతర్ మంతర్, పురానా ఖిల్లా, ఇంకా తదితర పర్యాటక ప్రదేశాలను సందర్శించుకునే పర్యాటకుల సంఖ్య దాదాపు పడిపోయిందని వారు ఆవేదన వ్యక్తం చేస్తున్నారు. అయితే వచ్చే ఏడాదిలో న్యూఢిల్లీని ‘‘వరల్డ్ హెరిటేజ్ సిటీ’’గా యునెస్కో ప్రకటించనున్న నేపథ్యంలో.. ఈ ప్రభావం ఏమేరకు పడతుందోనన్న భయంతో పురావస్తు శాఖ ఆందోళనకర పరిస్థితుల్లో మునిగిపోయిందని పేర్కొంటున్నారు.