‘‘రేప్’’ వ్యవహారంలో మతం చిచ్చు రేపిన నటి నగ్మా!

Posted: 08/07/2014 03:01 PM IST

మీరట్ జిల్లాలోని ఖర్ఖౌదా ప్రాంతంలో 20ఏళ్ల మహిళను కొందరు బలవంతంగా ఎత్తుకెళ్లి ఆమెను రేప్ చేసి, గర్భం రాకుండా వుండేందుకు ఫెలోపియన్ ట్యూబ్ ని తొలగించి, ఆపై మతమార్పిడికోసం పాల్పడిన ఘటన పెద్ద దుమారాన్నే రేపుతోంది. ఓ మదర్సాకు చెందిన మహ్మద్ నవాబ్, సలాఉల్లా అనే నిందితులు ఈమెను బలవంతంగా తీసుకెళ్లారని.. అక్కడ ఆమెను అనేక చిత్రహింసలకు గురిచేయడమే కాకుండా రేప్ కూడా చేశారని వాపోయిన బాధితురాలు... ఆ మదర్సాలో తనవంటి అమ్మాయిలు ఇంకా చాలామంది వున్నారని, ఎంతో కష్టం మీద అక్కడి నుంచి తప్పించుకుని వచ్చానని తెలిపింది. ప్రస్తుతం ఈ బాధిత యువతి ఘజియాబాద్ ఆసుపత్రిలో చికిత్స పొందుతోంది. ఈ కేసులో ఆ ఇద్దరి నిందితులతోపాటు సమర్ జహాన్ అనే మహిళను, ఆమె కుమార్తె నిషాత్ ను కూడా అరెస్ట్ చేశారు.

ఇదిలావుండగా.. చికిత్స పొందుతున్న బాధిత యువతిని నటి, కాంగ్రెస్ నేత నగ్మా ఆసుపత్రిలో పరామర్శించారు. అనంతరం ఈ వ్యవహారంపై మాట్లాడిన ఆమె... బీజేపీ పార్టీపై తీవ్ర విమర్శలు గుప్పించారు. ఈ వ్యవహారంలో కాషాయదళం అయిన బీజేపీ పార్టీ మతం రంగు పులమడానికి ప్రయత్నిస్తోందని ఆరోపణలు చేసింది. రెండు మతాల మధ్య చిచ్చు రేపడానికి బీజేపీ ప్రయత్నాలు చేస్తోందని... అటువంటి మతతత్వ పార్టీలను దేశ రాజ్యాంగం నుంచే బహిష్కరించాలని ఆమె వ్యాఖ్యానించారు. ఈ రేప్ ఉదంతంపై అనవసరంగా బీజేపీ పార్టీ మతతత్వ చిచ్చు రేపుతోందని.. అధికార పార్టీ అయి కూడా ఇటువంటి చీప్ ట్రిక్స్ ప్లే చేయడాన్ని చూస్తే ఎంతో అవమానకరంగా వుందని ఆమె వెల్లడించారు. ‘‘నేరం చేసేవాళ్లకు కుల, మతం, ప్రాంతీయ వంటి బేధాలుండవు. నేరంచేసేవారిని నేరగాళ్లుగానే పరిగణించాలి. అంతేగానీ.. రెండు మతాల మధ్య చిచ్చురేగేలా నిర్ణయాలు తీసుకోకూడదని’’ ఆమె సూచించారు.

AS