మహిళా ‘‘పిచ్’’ మీద కామెంట్ చేసి బుక్కయిన క్రిస్ గేల్

Posted: 07/19/2014 03:41 PM IST

వెస్టిండీస్ క్రికెట్ ప్లేయర్ క్రిస్ గేల్ మైదానంలో ఎటువంటి విధ్వంసాన్ని సృష్టిస్తాడో అందరికీ తెలిసిందే! ఎప్పుడూ తన బ్యాట్ కి పనిచెప్పి ప్రేక్షకులకు అలరించే ఈ ప్లేయర్ కి నోటి దురుస ఎక్కువయినట్టు కనిపిస్తోంది. ఒక మహిళా జర్నలిస్టుపై అసభ్యకరమైన వ్యాఖ్యలు చేసి, మహిళా సంఘాల ఆగ్రహానికి గురయ్యాడు.

కరీబియన్ లీగ్ (సీపీఎల్) సందర్భంగా గురువారం తల్లావాస్, ఆంటిగ్వా హాక్స్ బిల్స్ జట్ల మధ్య మ్యాచ్ భాగంగా ప్రెస్ మీట్ ను నిర్వహించారు. ఈ సమావేశంలో ఒక మహిళా జర్నలిస్టు... ‘‘పిచ్ ఎలా స్పందిస్తుందని మీరు భావిస్తున్నారు..? మీకు అనువుగా వుందా..?’’ అని గేల్ ని ప్రశ్నించింది. అందుకు సమాధానంగా గేల్... ‘‘నిన్ను తాకందే పిచ్ గురించి నాకెలా తెలుస్తుంది. ఎలా స్పందిస్తుందో..!’’ అంటూ ద్వంద్వార్థ కామెంట్లు చేశాడు. అయితే, అక్కడున్న సభ్యులు, ఆ మహిళా జర్నలిస్టు ఈ వ్యాఖ్యను సరదాగా తీసుకున్నారు.

కానీ ఆంటిగ్వాలో వున్న ఉమెన్ ఎగైన్ట్స్ రేప్ (డబ్లూఏఆర్) సంస్థ అధ్యక్షురాలు అయిన అలెగ్జాండ్రియా మాత్రం ఈ వ్యాఖ్యలపై మండిపడ్డారు. అందరి సమక్షంలో గేల్ అలా వ్యాఖ్యానిస్తుంటే సీపీఎల్ నిర్వాహకులు కూడా ఏమీ జరగలేదన్నట్టు వ్యవహరించడం చాలా దారుణం అని ఆమె అన్నారు. ఏదో హోదా వుంది కదా అని నోటికొచ్చినట్లు వాగడానికి అమ్మాయి ఆటబొమ్మ కాదు.. అది పెత్తనం చెలాయించినట్లు భావించాల్సి వస్తుంది. ఎలాగైనా సీపీఎల్ నిర్వాహకులు గేల్ తో క్షమాపణలు చెప్పించాలని ఆమె డిమాండ్ చేశారు. లేకపోతే మహిళాసంఘాలు ఏకమై దీనిపై ఉద్యమం నిర్వహిస్తామని ఆమె హెచ్చరించారు.

AS