పోలవరానికి పచ్చజెండా!

Posted: 07/11/2014 12:56 PM IST

పోలవరం ఆర్డినెన్స్ పార్లమెంట్ లో ఆమోదం లభించింది!

రాష్ట్ర పునర్వవస్థీకరణ బిల్లుతో పాటు చింతూరు, విఆర్ పురం, కూనవరం, కుకునూరు, వేలేరుపాడు మండలాలు పూర్తిగాను, బూర్గంపాడు, భద్రాచలం మండలాలు పాక్షికంగానూ ఆంధ్రప్రదేశ్ లో కలపటానికి హోం మంత్రి రాజ్ నాథ్ సింగ్ ప్రవేశపెట్టిన బిల్లు తెలంగాణా, ఒడిశా, ఛత్తీస్ గఢ్ ఎంపీల నుండి పెల్లుబికిన నిరసనల మధ్య పాసైంది.

కేంద్ర హోం మంత్ర రాజ్ నాథ్ సింగ్ పార్లమెంట్ లో ప్రతిపాదించిన పోలవరం ఆర్డినెన్స్ మీద తెలంగాణా రాష్ట్ర సమితి సభ్యులు రాజ్యాంగ బద్ధం కాదంటూ ప్రతిఘటించారు.  వారికి ఒడిశా సభ్యుల మద్దుతు కూడా లభించినా గందరగోళాల నడుమనే లోక్ సభలో ఈ బిల్లు పాసైంది.  

పోలవరం ప్రాజెక్ట్ వలన ఖమ్మం జిల్లాలో ఏర్పడుతున్న ఏడు ముంపు మండలాలలను ఆంధ్రప్రదేశ్ లో కలపటానికి ఎన్డియే చేసిన మొట్టమొదటి ఆర్డినెన్స్ ఈ విధంగా చట్టబద్ధత దిశగా తొలి అడుగు వేసింది.  

కేంద్ర హోం మంత్ర రాజ్ నాథ్ సింగ్ పార్లమెంట్ లో ప్రతిపాదించిన పోలవరం ఆర్డినెన్స్ మీద తెలంగాణా రాష్ట్ర సమితి సభ్యులు రాజ్యాంగ బద్ధం కాదంటూ ప్రతిఘటించారు.  వారికి ఒడిశా సభ్యుల మద్దుతు కూడా లభించినా గందరగోళాల నడుమనే లోక్ సభలో ఈ బిల్లు పాసైంది.  

పోలవరం ప్రాజెక్ట్ వలన ఖమ్మం జిల్లాలో ఏర్పడుతున్న ఏడు ముంపు మండలాలలను ఆంధ్రప్రదేశ్ లో కలపటానికి ఎన్డియే చేసిన మొట్టమొదటి ఆర్డినెన్స్ ఈ విధంగా చట్టబద్ధత దిశగా తొలి అడుగు వేసింది.   

ఈ ఆర్డినెన్స్ రాజ్యాంగ బద్ధం కాదని వాదించిన ఎంపీలను ఎవరి అభిప్రాయాలు వాళ్ళకి ఉంటాయని, న్యాయపోరాటం చేసుకోవటానికి సుప్రీంకోర్టులో సవాల్ చెయ్యవచ్చని స్పీకర్ సుమిత్రా మహాజన్ అన్నారు.  

ఈ బిల్లు రాజ్యసభలో కూడా ఇంకా చర్చలోకి వెళ్ళవలసివుంది.  అక్కడ కూడా పాసైన తర్వాత రాష్ట్రపతి ద్వారా ఈ ఆర్డినెన్స్ చట్ట రూపం దాలుస్తుంది.  

రాష్ట్రాల ఎల్లలలను రాష్ట్ర ప్రభుత్వం అనుమతి లేకుండా మార్చివేయటం రాజ్యాంగ విరుద్ధమని, ఏమైనా సరే న్యాయపోరాటం చేస్తామని తెరాస ఎంపీలు గట్టిగా చెప్తున్నారు. 

-శ్రీజ