‘‘అమ్మ’’ను తొలగించిన బాబు!

Posted: 07/07/2014 02:46 PM IST

(Image source from: tdp party change congress party logos in schemes)

డైలామాలో మునిగిపోకండి...! కాంగ్రెస్ పార్టీ అధికారంలో వున్నప్పుడు ప్రజాపంపిణీ వ్యవస్థకు ‘‘అమ్మహస్తం’’ అని పేరు పెట్టుకున్న సంగతి తెలిసిందే! దాదాపు ఐదేళ్లవరకు ఈ పేరుతోనే సాగిన ఈ పథకాన్ని ఇప్పుడు తెలుగుదేశం ప్రభుత్వం మార్చేసింది. ఇన్నాళ్లూ కాంగ్రెస్ పార్టీవాళ్లు ఆ పేరు పెట్టుకుని డప్పు కొట్టుకుంటే... టీడీపీ శ్రేణులు ఆ గుర్తును తొలగించి సైకిల్ గుర్తును చేర్చినట్టు తెలుపుతున్నారు.

‘‘అమ్మహస్తం’’ పేరుతో కాంగ్రెస్ పార్టీ ప్రవేశపెట్టిన పథకం రూపురేఖలు మారుస్తూ... ‘‘ఎన్టీఆర్ ప్రజాపంపిణీ’’గా నామకరనం చేసుకుంది. ఇప్పటికే రేషన్ కు సంబంధించి జారీ చేసిన కూపన్లలో తెలుగుదేశంపార్టీ శ్రేణులు తమ పార్టీ రంగు అయిన ఎల్లో కలర్ లో విడుదల చేసిన సంగతి విదితమే! కాంగ్రెస్ వాళ్లు తమ పార్టీ గుర్తును పథకంలో చేర్చుకుంటే... తెలుగుదేశం పార్టీవాళ్లు దానిని తొలగించి... పచ్చ కలర్ లో ప్రచురించి, తమ పార్టీని బలోపేతం చేసుకునేందుకు ప్రయత్నాలు చేశారు.

అయితే ఒక ప్రముఖ పథకం పేరును ఈ విధంగా మార్చడం ఇదే మొదటిసారి. పార్టీ అధికారంలోకి వచ్చిన కొద్దిరోజులకే ఇలా పథకాల పేర్లు మార్చుకుంటూ తమ పార్టీ ప్రచారం చేసుకోవడం చూస్తుంటే... భవిష్యత్తుల్లో ఇంకెన్ని మార్పులు చేస్తుందోనని రాజకీయ విశ్లేషకులు చెప్పుకుంటున్నారు. ఏదేమైనా చంద్రబాబు నాయుడుగారి తెలివి ముందు ఎంతటి మేధావి అయిన తుస్సుమనాల్సిందేనని అందరూ చర్చించుకుంటున్నారు.