అంబానీ, జీఎంఆర్ లు చంద్రబాబుతో భేటీ

Posted: 07/07/2014 01:39 PM IST

(Image source from: chandrababu met with ambani and gmr officials)

ఆంధ్రప్రదేశ్ రాష్ట్ర ముఖ్యమంత్రి చంద్రబాబు నాయుడు... ఆంధ్రరాష్ట్రాన్ని అభివృద్ధి చేసే పనిలో త్వరగా పావులు కదుపుతున్నట్టు తెలుస్తోంది. గతంలో ఆయన మైక్రోసాఫ్ట్ అధికారులతో కలిసి, ఆంధ్రాలో దాని ఏర్పాటుకు చర్చలు చేసిన సంగతి తెలిసిందే! అలాగే నూజువీడు, ఖమ్మం జిల్లాల మధ్య ఎయిర్ పోర్టును నిర్మిస్తున్నట్టుగా టీడీపీ అధికారులు వెల్లడించారు. మరికొన్ని అభివృద్ధి కార్యక్రమాలను త్వరలోనే చేపట్టనున్నట్టు చంద్రబాబు గతంలో వెల్లడిండిన సంగతి అందరికీ విదితమే!

ఇందులో భాగంగానే చంద్రబాబు సోమవారంనాడు భారతదేశంలో ప్రముఖ పారిశ్రామికవేత్తలు అయిన అనిల్ అంబానీ, జీఎంఆర్ తోపాటు పలువురితో సమావేశమయ్యారు. సీఎం క్యాంపు కార్యాలయంలో జరిగిన ఈ సమావేశంలో... ఆంధ్రాలో విద్యుత్ ప్లాంట్లను ఏర్పాటు చేయడంపై ప్రధానంగా చర్చిస్తున్నట్టు వార్తలు వెలువడ్డాయి. అలాగే పలు పారిశ్రామిక రంగాలను ఏర్పాటు చేసే దిశగా బాబు వారితో చర్చిస్తున్నట్టు తాజా సమాచారం!

AS