తెలంగాణలో దుమ్ము రేపబోతున్న పవన్

Posted: 04/25/2014 07:47 AM IST

జనసేన పార్టీ అధ్యక్షుడు, పవర్ స్టార్ పవన్ కళ్యాణ్ నేటి నుండి తెలంగాణలో ధూం ధాం చేయబోతున్నాడు. మొన్న మోడీ ప్రచార సభల్లో పాల్గొని ఓటర్లను చైతన్య వంతం చేసిన పవన్ నేటి నుండి హైదరాబాద్ తో సహా తెలంగాణ జిల్లాల్లో భాజాపా - తెదేపా కూటమి తరుపున విస్త్రుత ప్రచారం చేయనున్నాను. బాజాపా - తెదేపా కూటమి విజయానికి పవన్ శాయ శక్తుల క్రుషి చేస్తున్నాడు. కాంగ్రెస్ రహిత ప్రభుత్వం కోసం తను భాగస్వామిగా మారబోతున్నాడు. ఈ ప్రచారంలో భాగంగా హైదరాబాద్, రంగారెడ్డి, వరంగల్, కరీంనగర్, మహబూబ్ నగర్, నిజమాబాద్ జిల్లాల్లో జరిగే వివిధ సభల్లో పాల్గొన బోతున్నాడు. నేటి నుండి నాలుగు రోజుల పాటు నిర్వహించే ఈ ప్రచారంలో తెదేపా - బాజాపా అభ్యర్థులను గెలిపించి తెలంగాణ పున: నిర్మాణంలో భాగం కావాలని వివరించనున్నాడు. నేడు ఆయన మధ్యాహ్నం 12 గంటలకు మహబూబ్ నగర్ జిల్లా షాద్ నగర్ లో, 2.30 గంటలకు కల్వకుర్తి, 4 గంటలకు రాజధానిలోని సికింద్రాబాద్, 5 గంటలకు ఖైరతాబాద్, 7 గంటలకు శేర్ లింగంపల్లి బహిరంగ సభల్లో పాల్గొననున్నారు. పవన్ పవర్ కి టీఆర్ఎస్, కాంగ్రెస్ లు కొట్టుకుపోతాయో లేదో ఫలితాల వరకు వేచి చూడాల్సిందే.