‘మీ పిల్లలకు హిందీ నేర్పించండి.. మేము జర్మనీ నేర్చుకుంటాం’

Posted: 04/09/2015 03:26 PM IST

దేశవ్యాప్తంగా వున్న కేంద్రీయ విద్యాలయ స్కూల్స్ లో మూడో లాంగ్వేజ్ గా వున్న జర్మనీ భాషను తొలగించాలని గత సంవత్సరం నిర్ణయం తీసుకోగా.. దానిపై వివాదాస్పదం చెలరేగింది. దాంతో కేంద్ర మానవ వనరుల మంత్రిత్వశాఖ ఒక మెట్టు దిగిరాక తప్పలేదు. అయితే.. క్విడ్ ప్రోకో పద్ధతిలో ముందుకు సాగుదామని కేంద్రమంత్రి స్మృతి ఇరానీ జర్మనీ ముందు ఒక ఆఫర్ వుంచారు. ‘మీరు హిందీ నేర్చుకోండి.. మేము జర్మనీ నేర్చుకుంటాం’ అని ఆమె ముందుకొచ్చారు.

మా స్కూల్స్ లో జర్మన్ భాష కొనసాగాలంటే.. మీ పిల్లలకు హిందీ నేర్పాలని ఆమె జర్మనీకి సూచించారు. ఒకవేళ హిందీ కష్టమని భావిస్తే.. మరో భారతీయ భాషను ఎంచుకోవాలని ఆమె పేర్కొన్నారు. ఈమేరకు ఒక ఒప్పంద ప్రతిపాదనా పత్రాన్ని విదేశీ వ్యవహారాల మంత్రిత్వ శాఖ ఇప్పటికే సిద్ధం చేసింది. ఈ ఒప్పందం సారాంశం ఏమిటంటే.. ఇండియాలో ఎన్ని స్కూల్స్ లో అయితే జర్మన్ భాషను నేర్పుతారో.. అంతే సంఖ్యలో జర్మనీలోని స్కూల్స్ లోనూ హిందీ లేదా మరో భారతీయ భాషను ప్రవేశపెట్టాల్సి వుంటుంది.

AS