తెలంగాణ వాదిపై రేణుకా చౌదరి దెబ్బ?

Posted: 10/02/2013 07:01 PM IST

Renuka chowdhury angry on telanagana workers in khammam

తెలంగాణ నాయకుల ముందు, తెలంగాణ సభలో.. రేణుకా చౌదరి పై తెలంగాణ నాయకులు నిప్పులు చెరిగిన విషయం తెలిసిందే. అయితే ఆ సమయంలో రేణుకా చౌదరి మౌనం పాటించి, బయటకు వచ్చింది. అయితే ఆమెను అందరు డైనమిక్ లేడీ, పొలిటికల్ ఫైర్ బ్రాండ్ రేణుకా చౌదరి అంటున్నారు. ఈరోజు రాజ్యసభ సభ్యురాలు రేణుకాచౌదరి తెలంగాణవాదులపై తనకు గల ద్వేషాన్ని మరోసారి వెళ్లగక్కారు. నూతనంగా ఎంపికైన సర్పంచ్‌లకు, పీఏసీఎస్ చైర్మన్లకు ఖమ్మం జిల్లా కాంగ్రెస్ కార్యాలయంలో అభినందన సభ ఏర్పాటు చేశారు.

ఈ సభలో ఆమె మాట్లాడుతుండగా ఇల్లెందు, టేకులపల్లి మండలానికి చెందిన కాంగ్రెస్ కార్యకర్తలు జై తెలంగాణ అంటూ నినాదాలు చేశారు.ఆగ్రహించిన రేణుక ‘ఎవ్వడ్రా వాడు...అక్కడ పిచ్చివేషాలు వేసేది’ వాడిని బయటకు గెంటేయ్యండి అని గద్దిస్తూ అధికారులు, కాంగ్రెస్ నాయకుల వైపు చూశారు. నినాదాలు చేసిన వారిని పోలీసులు బయటకు తీసుకువెళ్లారు. ఖమ్మం జిల్లా ఏర్పాటై 60 సంవత్సరాలు పూర్తైన సందర్భంగా ఖమ్మంలోని స్తంభాద్రి గుట్టపై శ్రీలక్ష్మినరసింహస్వామి ఆలయంలో ఈరోజు ప్రారంభమైన అవతరణ వేడుకల్లోనూ రేణుకాచౌదరి పాల్గొన్నారు. ఖమ్మంజిల్లా జ్యోతిని దేశమంతా ప్రతిబింబించేలా అవతరణ వేడుకలు నిర్వహిస్తామని అన్నారు. ప్రజలందరికీ జిల్లా చరిత్ర తెలిసేలా సమగ్ర సమాచారంతో ఒక సావనీర్‌ను రూపొందించనున్నట్లు తెలిపారు.