బిడ్డ కోసం ఇందిరా గాంధీ పోరాటం

Posted: 07/28/2013 10:03 AM IST

మూడో బిడ్డ కోసం ఇందిరా గాంధీ పోరాటం చేస్తుంది. అయిత ఈమె మాత్రం మన దివంగత భారత్‌ ప్రధాని ఇందిరా గాంధీ కాదులేండి. ఈమె మన ఇండియన్ ఇందిరాగాంధీనే. మలేసియాలో స్థిరపడిన ఇందిరా గాంధీ తన భర్త పై పోరాటం చేస్తుంది. కేవలం భర్త వదిలేస్తే మలేసియాలోని కౌలాలంపూర్‌ పట్టణంలో జీవనం సాగిస్తున్న ఒక స్కూల్‌ టీచర్‌. తన పేరూ ఇందిరా గాంధీనే! నలభై సంవత్సరాల తను ఇస్లాంలోకి మారిన తన భర్త నుంచి వేరుపడింది. అయితే తన ముగ్గురు కుమార్తెలను కూడా ఇస్లాంలోకి మార్చడంతో న్యాయపోరాటం చేసి ఇద్దరు పిల్లలను తన వద్దకు తెచ్చుకుంది. తండ్రిచే బలవంతంగా మారిన ఇస్లాం మతం చెల్లదని అక్కడి హైకోర్టు తీర్పు నివ్వడం ఇందిరా గాంధీకి ఒకింత ఊరట నిచ్చింది. అయితే తన మూడో కుమర్తె ఇంకా జాడ కనిపించని భర్త ఆధీనంలోనే ఉందని వాపోతోంది. నలభై సంవత్సరాల ఇందిరాగాంధీ స్వతహాగా భారతీయురాలు. మలేసియాలో నివాసముంటూ భర్తతో విభేదాలు రావడంతో విడిపోయింది. ఆ సమయంలో తన ముగ్గురు పిల్లలను భర్త పద్మనాథన్‌ ఇస్లాంలోకి మార్చేశాడు. 2010లో కోర్టును ఆశ్రయించిన ఇందిరాగాంధీ తన ఇద్దరు పిల్లలను స్వాధీనం చేసుకోగలిగింది. వారు బలవంతంగా మారిన ఇస్లాం మత మార్పిడి చెల్లనేరదని కోర్టు తీర్పు నివ్వడంతో హిందువుగానే తన పిల్లలు పెరగబోతున్నందుకు తల్లిగా సంతోషిస్తోంది. అయితే మూడో చిన్నారి ఇంకా తండ్రి వద్దనే ఉంటూ మారిన మతాచారం ప్రకారం పెరుగుతుందనే దిగులు తనను వెంటాడుతోంది.