మా వైపు ధోనీ ఉన్నాడు?

Posted: 07/16/2013 06:16 PM IST

రాజకీయ నాయకులు ఇప్పుడు కొత్త బాష మాట్లాడుతున్నారు. నిన్నటి వరకు వ్యక్తిగత విషయాలను బజార్లో పెట్టిన రాజకీయ నాయకులు ఇప్పుడు నేషనల్ ఆట అయిన క్రికెట్ పై ద్రుష్టి పెట్టారు. మొన్న విజయవాడ ఎంపీ లగడపాటి మాకు బ్యాట్స్ మెన్ ఉన్నాడు. త్వరలో బ్యాట్స్ మెన్ ను దించుతా. తెలంగాణ వాదులకు సమధానం చెబుతాడని ప్రకటని చేసిన విషయం తెలిసిందే. అయితే లగడపాటి రాజగోపాల్ తెస్తున్న బ్యాట్స్ మెన్ ను ఎదుర్కోంటానికి తెలంగాణ కాంగ్రెస్ నాయకులు సరికొత్త ఆలోచన చేశారు. లగడపాటి చెప్పినట్లుగా తెలంగాణ అడ్డుకునే బ్యాట్సుమన్ వారి వద్ద ఉంటే తమ వద్ద మహేంద్ర సింగ్ ధోనీలు ఉన్నారన్నారని తెలంగాణ కాంగ్రెస్ ఎంపీ మధుయాష్కీ అన్నారు. తమ పార్టీకి చెందిన ఎంపి అజహరుద్దీన్ హైదరాబాదుకు చెందిన వాడే కాబట్టి, అజహరుద్దీన్ జూలైలో లేదా ఆగస్టులో తెలంగాణ వస్తుందని తాను చెప్పానని, తనకు సంకేతాలు లేకుంటే చెప్పనన్నారని మధుయాష్కీ అంటున్నారు. లగడపాటి లాంటి కల్లిబొల్లి మాటలు చెప్పి రాజకీయం చేసే నాయకులం కాదని మధుయాష్కీ అన్నారు. తెలంగాణ ప్రకటించాక సీమాంధ్ర నేతలు రాజీనామా చేసినా తమ పార్టీ అధిష్టానం భయపడదన్నారు. లగడపాటి బ్రహ్మాస్త్రానికి తమ వద్ద విరుగుడుగా మహేంద్ర సింగ్ ధోనీ సిద్దంగా ఉన్నరని మధుయాష్కీ అన్నారు . సీమాంధ్ర నేతలు రెచ్చగొట్టే వ్యాఖ్యలు చేయవద్దని తెలంగాణ కాంగ్రెస్ నాయకులు కోరుకుంటున్నారు.