పార్టీ ఎంపీలు, ఎమ్మెల్యేలకు సోనియా ఆదేశం

Posted: 06/22/2013 12:39 PM IST

Sonia gandhi asks lawmakers to give one months salary to uttarakhand flood victims

అనూహ్య వరదలతో అతలాకుతలమైన ఉత్తరాఖండ్‌లో బాధితుల సహాయార్థం ఒక నెల వేతనం విరాళంగా ఇవ్వాలని పార్టీ ఎంపీలు, ఎమ్మెల్యేలందర్నీ కాంగ్రెస్ అధినేత్రి సోనియా ఆదేశించారు. అలాగే వరద ప్రభావిత ప్రాంతాల్లో తక్షణ పునరుద్ధరణ చర్యలకు వీలుగా లోక్‌సభ, రాజ్యసభల్లోని పార్టీ సభ్యులంతా తమ ఎంపీల్యాడ్ నిధుల నుంచి రూ. 10 లక్షల చొప్పున మంజూరు చేయాలని ఆదేశించారని పార్టీ సమాచార విభాగ ఇన్‌చార్జి అజేయ్ మాకెన్ వెల్లడించారు. ప్రస్తుతం కాంగ్రెస్‌కు లోక్‌సభలో 203, రాజ్యసభలో 72 మంది ఎంపీలు ఉన్నారు. సోనియా గాంధీ ఆదేశాల మేరకు ఉత్తరాఖండ్ వరద బాధితులకు కేంద్ర మంత్రి కిల్లి క్రుపారాణి ఒక వేతనం విరాళంగా విచ్చారు, ఎంపీ నిధుల నుంచి రూ. లక్షలు కేటాయిస్తున్నట్లు చెప్పారు.

అమ్మ చెప్పిన వెంటనే ఆచారణలో పెట్టి చూపించారు కేంద్ర మంత్రి కిల్లి క్రుఫారాణి. అయితే యాత్రికులను కాపడేందుకు కేంద్ర హోంశాఖ మంత్రి సుశీల్ కుమార్ షిండే ఈరోజు ఉదయం డెహ్రాడూన్ చేరుకున్నారు. ఇప్పటికే ఉత్తరాఖండ్ కు కొంత పరిహారాన్ని కేంద్రం నుంచి అందించానట్లు కేంద్ర హోం మంత్రి షిండే చెప్పారు. యాత్రికులను కాపాడేందుకు అన్ని చర్యలు చేపడుతున్నట్లు వెల్లడించారు. అయితే రానున్న 48 గంటల్లో ఉత్తరాఖండ్ లో వర్షాలు కురిసే అవకాశముందన్న భారత వాతావరణశాఖ హెచ్చరికలతో ప్రభుత్వం అప్రమత్తమైంది. ఇప్పటి వరకూ దాదాపు 30 వేల మందిని రక్షించగా, దాదాపు మరో 50 వేల మంది వరకు సాయం కసం ఎదురు చూస్తున్నారు. వర్షం కురిస్తే సహాయక చర్యలకు ఆటంకం ఏర్పడుతుందున్న ఉద్దేశంతో సహాయ చర్యలను వేగవంతం చేశారు. అత్యాధునిక హెలికాప్టర్ మి-26తో పాటు 43 హెలికాప్టర్లతో యాత్రికులను సురక్షిత ప్రాంతాలకు తరలించేందుకు క్రుషి చేస్తున్నారు.