కనుమరుగైన మహాశివుని రూపం?

Posted: 06/22/2013 11:50 AM IST

హిమవత్పర్వతాలపై గంగ చెలరేగిపోయింది. నాటి గంగావతరణంలో మాదిరిగా విజ్రుంభించింది. దివి నుంచి దిగుతూ సాక్షాత్తూ కేదారనాధుడి నెత్తి మీదనే కాలు పెట్టి నట్లు కనిపిస్తోంది. ఆమె ధాటికి హిమవంతుడు కూడా చెదిరిపోయాడు. పర్వతసానువులు కకావికలమయ్యాయి. అలలు ఎగిసిపడ్డాయి. బండాలు తుళ్లి పడ్డాయి .. పవిత్ర జ్యోతిర్లింగ క్షేత్రమైన కేదార్ నాత్ మొత్తం విచలితమైపోయింది. తేజోవంతమైన జ్యోతిర్లింగం తప్ప అక్కడేమి మీగల్లేదు. ఆ వెనుకనే ఉన్న భగవత్సాదులు ఆదిశంకరాచార్యుడి సమాధి మందిరం కూడా చెక్కుచెదరకపోవడం విశేషం. ఉత్తరాఖండ్ లో వరదల బీభత్సం దాటికి రిషికేస్ వద్ద గంగానదిలో ఉన్న 25 అడుగుల మహా శివుని విగ్రహం వరదల్లో కొట్టకుపోయింది. మరోవైపు ఉత్తరాఖండ్ లో వరద ధాటికి మరణించిన వారి సంఖ్య రోజు రోజుకు పెరిగిపోతుంది. ఇంక 50 వేలకు పైగ యాత్రికుల పలుప్రాంతాల్లో చిక్కుకునిపోయినట్లు అధికారులు చెబుతున్నారు. మహాశివుని విగ్రహం వరదల్లో కొట్టుకుపోవటం పై భక్తులు ఆందోళన చెందుతున్నారు. అయితే ఒక సంవత్సర కాలం పాటు.. యాత్రికులకు దూరంగా జరిగిపోయింది. యాత్రికులు, భక్తులు ఒక సంవత్సరం కేథార్ నాథ్ ను చూసే పరిస్థితి లేదని అక్కడి ప్రభుత్వం స్పష్టం చేసింది.