పరీక్షలో నెగ్గిన బీహార్ మఖ్యమంత్రి

Posted: 06/19/2013 04:08 PM IST

విశ్వాస పరీక్షలో బీహార్ ముఖ్యమంత్రి నితీశ్ కుమార్ నెగ్గారు. ఆయన ప్రభుత్వానికి అనుకూలంగా 126 ఓట్లు వచ్చాయి. అంతకు ముందు భాజపా సభ్యులు సభ నుంచి వాకౌట్ చేసిన అనంతరం నితీశ్ మాట్లాడుతూ గుజరాత్ ముఖ్యమంత్రి నరేంద్ర మోడీపై విరుచుకుపడ్డారు. గుజరాత్ అభివ్రుద్ది మంత్రం పై విమర్శలు గుప్పించారు. ప్రకటనలకే రూ.5 కోట్లు ఖర్చు పెట్టిన ఘనత నరేంద్రమోడీదని, మోడీకి పాలన కంటే ప్రచారంపైనే మోజు ఎక్కువని నితీశ్ కుమార్ విమర్శించారు. భాజపాకు సొంతంగా గెలిచే సత్తా లేదన్నారు. భాజపాతో విడిపోయిన తర్వాత బీహార్ లో పూర్తిగా లౌకికవాద రాజ్యం ఏర్పడిందని నితీశ్ అన్నారు.

 

అయితే నితీష్ కు వ్యతిరేకంగా 24 ఓట్లు పడ్డాయి. బీజేపీకి సొంతంగా గెలిచే అవకాశాలే లేవన్న బీజేపీ శ్రేణులది ఉత్సాహమే తప్ప అది జాతీయస్థాయిలో ప్రభావం చూపే ఛాన్సే లేదన్నారు. నరేంద్రమోడీపై ధ్వజమెత్తిన నితీష్... విభజనవాదిని జాతీయనేతగా ఎలా అంగీకరిస్తామని ప్రశ్నించారు. లౌకికత్వ విషయంలో రాజీపడబోమన్నారు. మోడీ గుజరాత్ అభివృద్ధి నమూనాపై వ్యంగ్యస్త్రాలు సంధించిన నితీష్.. ఇంతకుముందే అభివృద్ధి పథంలో పయనిస్తున్న నగరాలను మళ్లీ అభివృద్ధి చేసే ప్రణాళికలు ఎందుకని చురకలంటించారు.