టిడిపి మహనాడులో లో పవన్ కళ్యాణ్?

Posted: 05/25/2013 05:23 PM IST

తెలుగుదేశం పార్టీ అధినేత నారా చంద్రబాబు నాయుడు అపరచాణుక్యుడు. ఎప్పుడు, ఎవరికి ఎలా గాలం వేస్తాడో ఎవరికి అర్థం కాదు. అయితే ఇటీవల కాలంలో ఆయనకు అన్ని ఎదురుదెబ్బలే తగులుతున్నాయి. సొంత కుటుంబం నుండి చంద్రబాబుకు తిరుగుబాటు మొదలైన విషయం తెలిసిందే. చంద్రబాబు తో జూనియర్ ఎన్టీఆర్, హరిక్రిష్ణ ల మధ్య వివాదం ముదిరిన విషయం తెలిసిందే. హరిక్రిష్ణ తో సంది సమావేశాలు ఏర్పాటు చేసిన ఫలితం లేకుండా పోయింది. చివరకు సై అంటే సై అంటూ నారా వారు నందమూరి వారు తోడలు కొట్టుకునే స్థాయికి వివాదం ముదిరిపోయింది. బాలయ్య, అన్న హరిక్రిష్ణతో జరిపిన రాయభారం కూడా ఫలించలేదు. చంద్రబాబుకు అండగా బాలయ్య ఉన్న విషయం తెలిసిందే. అయితే జూనియర్ ఎన్టీఆర్ కు చెక్ పెట్టడానికి ఒక పవర్ హీరోను టిడిపిలోకి దింపుతున్నట్లు తెలుస్తోంది. అతనే మెగా పవర్ స్టార్ పవన్ కళ్యాణ్.

గత కొన్ని రోజుల నుండి చంద్రబాబు పవర్ స్టార్ పవన్ కళ్యాణ్ తో మంతనాలు జరుపుతున్నట్లు సినీ జనాలు అంటున్నారు. పవర్ స్టార్ పవన్ కళ్యాణ్ కూడా సిద్దంగా ఉన్నట్లు టీడీపీ నాయకులు చెబుతున్నారు. పవన్ కళ్యాణ్ తో పాటు మరో కామెడీ నటుడు డాక్టరు అలీతో చంద్రబాబు వర్గం చర్చలు జరిపి, రాజమండ్రి టిక్కెట్ ఖాయం చేసినట్లు తెలుస్తోంది. ఒకే దెబ్బకు రెండు పిట్టలను ఎలా పట్టాలి? ఒకే దెబ్బకు రెండు పిట్టలు ఎలా పడగొట్టాలో చంద్రబాబుకు బాగా తెలుసునని టీడీపీ నాయకులు అంటున్నారు. త్వరలో జరగనున్న మహానాడులో పవన్ కళ్యాణ్ ను, అలీ పేర్లను ప్రకటించేందుకు సిద్దమైనట్లు తెలుస్తోంది. కేవలం జూనియర్ ఎన్టీఆర్ కు చెక్ పెట్టేందుకే పవన్ పవర్ ను బాబు ఉపయోగించుకుంటున్నారని రాజకీయ నాయకులు అంటున్నారు. డాక్టరు అలీ వల్ల టిడిపి ఉపయోగం ఏమిటి అంటే? కాంగ్రెస్ పార్టీ నుండి రాబోయే ఎన్నికల్లో సినీ నటి జయప్రధ పోటీ చేస్తున్నట్లు వార్తలు వస్తున్నాయి. టాలీవుడ్ లో బ్రహ్మనందం తరువాత సెకండ్ స్థానంలో ఉన్న వ్యక్తి డాక్టర్ అలీ. అంతేకాకుండా అలీ దగ్గర కూడా డబ్బులు బాగానే ఉన్నాయి. ముఖ్య విషయం ఏమిటంటే.. అలీ సొంత ఊరు రాజమండ్రి కావటం విశేషం. సినీ నటి జయప్రద మీద పోటీగా డాక్టర్ అలీ అయితే గెలుపు ఖాయమాని టిడిపి శ్రేణులు భావిస్తున్నాయి. జరగబోయే మహనాడులో ..మెగా పవర్ స్టార్ పవన్ కళ్యాణ్ తో కొత్త సందడి వస్తుందని టీడీపీ వర్గాలు అంటున్నాయి.